6-عدم تكرار المواضيع في نفس القسم و عند نقل اي موضوع من منتديات اخرى الرجاء ذكر المصدر او كتابة (خمط)منقول
هنا انت ذكر هذا العبارة((الرجاء ذكر المصدر)) اليس كذلك ؟؟
ولكنك في النقطة التي تليها ((انزل جوة تكملة ردي بالنقطة الثانية))
7- ممنوع وضع روابط لمواقع او منتديات اخرى
ذكرت في النقطة السابقة الرجاء ذكر المصدر وهنا تقول عدم ذكر روابط المواقع والمنتديات فكيف بهذه الحالة نذكر المصدر الممنوع ذكره
؟؟؟؟؟؟؟ متناقضات؟؟؟؟؟؟؟
عيني ابو التناقض ليش هوه ذكر المصدر يعني اله تنزل رابط؟
اوكي عيوني راح اتعب نفسي اوضحلك شنو المصدر ونشو رابط وشنو تناقض
مثلا اني طالع الصبح اشتري كيمر من ام ستوري صديقة احمد الاوسي الي دائما يشتري من عده كيمر
المهم دا اشتري كيمر وسمعت ام ستوري سولف ويه جيرانه سعديه
ام ستوري منو؟ام الكيمر
سعديه منو جيرانه
الي بصف بيت ام فاير فوكس
مقابل بيت احمد الاوسي
وبظهر بيت سيد عماد (كونت)
بالمناسبه ام ستوري ساحبه نت منين؟ من جاسم وتنطيه شهريه صينيه كيمر
المهم ام ستوري دكول سعديه انطيج وصفه استعمليه لشعرج حته بعد مايطيح سعديه فرحت اي والله ام ستوري فدوه شون علميني
كلتله جيبي شويه عسل+صابون +خيار مجروش خبطيهن وسوي بيهن شعرج لمدة اسبوع هسه شعرج يصير سرح وبعد مايطيح
اني سويت صرت شاطر سمعت الخبر واجيت اركض للمنتدى الاصدقاء رحت على منتدى حواء كتبت الموضوع يابه
عاجل عاجل عاجل عاجل
شكو اسودي؟
خبطه جديده للشعر يلا جماعة حواء وينكم تعالو
لمن دخلن الصبايا وقرن الموضوع وركض سون الخبطه
ولن وره اسبوع طايح الشعر ويدورن على علاج للصلع يبوووو يامن يفضه ويه اسودي طاح بورطه ورط الناس بيه
زين اني لو كاتب تحت الموضوع الخبطه الموضوع منقول
المصدر ام ستوري
والمجربه سعديه
اذن يعني بريت ذمتي من الموضوع بذكر المصدر بمجرد شي دال على المصدر الي هيه ام ستوري
زين انته تكول تذكر رابط للمنتديات اخرى او موقع
زين اني بهل الحاله لو ذكرت مثلا المصدر بالموضوع وكتبت
com
.ام ستوري ام الكيمر.www
يعني راح كل الاعضاء الاصدقاء الكوت يفتحون موقع ام ستوري ويطفرون من يمنه
والاحسن نكتب منقول خمط ونخلص
هسه وصلت الفكره بين ذكر المصدر وبين روابط
وشكرا الك وتحياتي ياورد
وسلامنه لأم ستوري على توصيل الفكره بالموضوع
رد مع اقتباس
المشاركة الأصلية كتبت بواسطة أسّودي العراقي
