هنا

[الشاعر سيد كاظم الشرع]

متى تظهر يبو صالح تصفيها
========
يا آية الكبرى وسر أله الكــــون=يا ضنوة محمد يمتـــــــــــه تلفيها
نخبط صفو النفوس وساءت ألأخلاق=متى تظهر يبو صالح تصفيها
صفه دين النبي لعبه بيد جُهـال=كل واحد بكيفه الفتوه يطيــــــــــها
ليمته نشــــــــاهد عج خيول الله=ذو الفقار بيدك ونت حاديـــــــــــها
تكطع دابر أهل الزيــــــــــغ والتكفير=وسنة جدك المختار تحيـــــــها
بينه جروح كثره من زمـــان ألفات= من يوم السقيفه و أنت حاصيها
========
ألك ثارات محسن والضلع مكسور=وسطرتها على خدها كـون ناسيها
وطبرت جدك الكرار بالمحــراب=متى تظهر يبو صالح تداويـــــــــها
وبعد ثارالحسن بالسم كضه مظلوم= بسهام الغدر جبدته موذريـــــها
وحسين الغريب بكربله مذبــــــوح= وعبد الله الطفل يا سايه جانـيها
وجف الجود فوك العلكمي مكــطوع=عكب عينه الفواطم جسرواعليها
ولأصعب وشد من كل جرح مـولاي= زينب للزنيم الشمر يهديـــــها
========
شيعتكم يبو صالح صفت نيشـــــان=وسهام القدر كل ساعه ترميـها
بشخص حارث شريح يعودهل أيام=يفتي بذبح شيعتكـــــــــم يواليها
يفتي بكل وقاحه وكل صلافة عين=كل زينب اسمه يكــــــول نسبيها
ناقوس الخطر دك بـــعراق حسين=دواعش والنواصب فزعت عليها
من كل الملل والنحل ولألــوان= أفغان وترك شيشان كله تجمعت بيها
أخوان الوطن ياحيف ألف ياحيف= الجرذان الدواعش مدت أيديـــها
========
عدنان الدليمي وصالح ورافــــــع=وسلمان الجميلي الخسه حاويها
علاوي أيــــــــــــاد وظافر العاني= أذناب البعث لا تطمئن ليـــــها
طارق والنجيفي والمسـخ مسعود=مغتاظين مـــــــن جدك يمهديها
لأن فوك المنابر يصـــدح الآذان=خمس مرات اســم المرتضى بيها
مانعتب عليهم ندري ذوله مسوخ=معفنه روسهم والحقد مــــــاليها
العتب مرفوع عن أحفاد أبوسفيان=جدتهم هند معروف مــــاضيها
=======
عتبنه على اليكول آني أوالي حسين=عتبنه على التحالف ليش يطيها
دستور العراق مبين ومعـــــــــروف= صناديق انتخاب ألحاكمه عليها
اليفوز بأغلبيه ويحضـا بالجمهـــور= تكون الدوله بيده وهو راعيــها
والباقي تعارض وفق للدستــــــــور= تراقب للحكومه وتعرف شبيـها
لاجن العكس شو صــار ياهل ناس= التحالف للحصص شوخنع تاليـها
المنصب غيرنفوس البعض ياحيف= خانت للعهود الأجل كرسيــــــها
========
لجن شيعة علي تبكـــــــــه ولوده دوم= تجيب أبطال ما واحد يــلاويها
إذا خــــان البعض مذهب علي الكرار=الكثره ويا الولايه بدمــه تفديها
تبكه على العهد ويا الحسن وحسيـن= تجود أرواحه وتضـحي غاليها
تفدي أركابـه وتضحي بــــــــــالأولاد= فدوه الهل أسم يالمهدي تطـيها
نضل على العهد ونوالي حامي الجار= شجرتكم نضل بدمانه نسجيـــها
الشيعه المخلصه قطعت عليه عهـود= تضل الراية الكرار تحميـــــــــها
تضل الراية الكرار تحميـــــــــها
2014 م

[أميرة القلوب]

احسنت سلمت الانامل