شعر لنهر الفرات
انه ما شحيت بلماي وجريت
يوم راد الماي سبع الكنطرة
مثلي ماكو ماي بلدنية نظيف
لان جف عباس شالة وطهره
خابط تكولون عني مو زلال
وانة وجهي تراب ومنة عفرة
وتهمتوني ونسبتوني ليزيد
وانه منكم هم امامي حيدرة
وصرت موضوع الخطاب لكل
خطيب وان سمر اسم الفرات امبرة
كله صاحت هذا ذنبك يا فرات
وصرت بالسان القصايد مسخرة
وصرتور تبيعون بية وتشترون
وان ما ينباع بية ويشترة
انه ما قصرت عن نصرة حسين
انه ردت اروية مو ذنبي ترة
كبل ما هجمت على حسين السيوف
حاصروني وجتفوني بكل قيود
يا ابا عبد الله ارجوا المعذرة
رد مع اقتباس
