هنا

[فقار الكرخي]

بعد بيه عشگ لساع لون اخضر
ولاگي الليل
بالي براحته معلگ
شطير لوين؟
وانه جناحي رسايل شوگ
بحبار الهوه مشبگ
تعال ارجع
تراه الشوف شايلك وجه شياب
جلد عين الضوه مطرگ
تعال الحگ
يماي العين بيه الحگ
اگلك هااه
شوفي شگد گعد تاناك
يروجة ماي يتمزهگ
يسالوفة هوه مشگگ
تعال ارجع عليك الليل جي خجلان ضل يعرگ
انه امننساك اذكرنك
شگللك
امنحط ايدي عله خدودي
واريد اصفن
افارگهن انه بگوه
امس بذيالك مدبگ
يعايفني
الهجر جتال
بيه اسمع صدر مكسور
مثل حرمل عله النيران يطگطگ
تعال الحگ
انه ارضالك علي كلساع تتمزهگ
انه شبيدي
وگلك روح
لو بيدي اگللك
بس روحي اعله طاري جفاك تتنهگ
علي كاظم

[علي الشمري]

[najma]

شكرا جزيلا لك

[ابو محمد العزاوي]

ما أجمل كلماتك عندما تنبعث
من صادق أحساسك اخي الفاضل ..........
ارتقيت ببراءة حروفك إلى علو المعاني
رائعه هي كلماتك .. كروعتك ..
لك تحية من صميم قلبي..

[فقار الكرخي]

نورتو الموضوع