شيعه حُبنه عن محمد مصدره
ولا إله القادر بهـــــــــذا آمره
بلغه بيوم الغدير
علي من بعدك أمير
شيعه حبنه عن محمد مصدره
=====
يالتجادل جادل بحكمه وضمير
ياهو غير المرتضى بالحب جدير
من تكول فلان أكلك لا تــــزير
فلان معروف وقضيته مزوره
شيعه حُبنه عـن محمد مصدره
=======
من تكول فلان اثـــبت بالدليل
والدليل نريده من الله الجليل
وين ما مال الدليل احنه نميل
أحنه ماعدنه كـرب وي حيدره
شيعه حبنه عن محمد مصدره
==========
هاك آني أطيك آيات وســــــــــور
أوجبت حُب الوصي وآله الطـُهـر
آية القـُربى توضحلك أمــــــــــــر
ألآيه فرضت حُب علــي والطاهرة
شيعه حُبنه عن محمد مصدره
=========
بعد هاك سمع خبر يوم الغدير
ذاع جبرائيل أمرالله القديــــر
يـــــــــا محمد بلغ بحيدر أمير
وقع المرسوم ربك وصدره
احنه حبنه عن محمد مصدره
========
النبي بصوته الجهوري الجل جلي
صاح يصحابي أسمعوا يـــــا هلي
هذا أبو الحسنين من بعدي الولي
عينه رب الســــــــــــــماء وأمره
أحنه حبنه عن محمد مصدره
=========
والخليفه بنفسه وبصوته يصـــيح
بالغدير وسمعته آفاق الفسيــــــح
بخبخ الحيدر علي بصوته الصريح
الف مبروك الأمـــــــــــاره الحيدره
شيعه حبنه عن محمد مصدره
===========
لاجن الحيه جميلــــه بالشكل
ناعمه وحلوه ومـــا بيه خلل
والتبوسه يموت مـــا بيه جدل
يحضر جفانه ويزور المكبره
شيعه حبنه عن محمد مصدره
=========
يا معاند لا تضل غامض العين
آل طه ســــــادت الخلق جمعين
هم َعلم الله همَ الراسخـــــين
من محمد هل علم بيهم جره
شيعه حبنه عن محمد مصدره
=======
عترت المختارمن أشرف جنس
مطهرين بأنما مــــــن كل رجس
صفوّه مختارين مــــا بيهم دنس
الباري طهـــــرهُم وتشهد سـوّره
شيعه حُبنه عـن محمد مصدره
===========
بكل حقــــول ألمعرفه الهم مقام
غيرهم مــــــا يفتهم نطق الكلام
عترت الهادي مصــــابيح الظلام
ألهم وبيـــــــهم الدنيا منــــــوره
شيعه حبنه عن محمد مصدره
========
عترت الهادي مفاتيح النجاة
أليلتزمهم ينجه من المُهلكات
هُــمَ أهل الخير منبع للحيـــات
غير منبعهم منابـــــــــع كدره
شيعه حبنه عن محمد مصدره
==========
ويا حبهم ماتضر السيئـــــات
وي بغضهم ماتفيد الحســــنات
شما تحج وتزكي وتقيم الصلاة
بغير حبهم ما ألك كل مغفرة
شيعه حبنه عـن محمد مصدره
=========
مايهم صافي وزلال وسلسبيل
حوض كوثرهم مزاجه زنجبيل
مالك الكوثرعلي حامي الدخيل
يروي أنصاره ويرد من أنكره
شيعه حُبنه عن محمد مصدره
===========
عترت الهادي مصابيح الدجى
هـُـــــــــمَ للخائف أمناّ ورجـــى
أليلتزمهُم صحة أعماله ونجى
والينا صبهم أعمـــاله الخاسره
شيعه حُبنه عن محمد مصدره
=========
العتره نور الله أشرك عل أرض
آل طه حبهم مــــــــــن الله فرض
ما يضدهم غيرمدسوس العرض
خل يروح وينشد أمه القذره
شيعه حبنه عـن محمد مصدره
======
من علمهم حارت صحاب العقول
أصبحت مذهوله ما تدري شتكول
راحت ودورت بمتون الأصــــول
لكــــت هـذا العلـــم ألله مصدره
شيعه حُبنه عن محمد مصدره
======
بكل علوم ألمعرفه هـُم عارفين
وارثين علوم كل المرسـلين
هـُم قرآن اللإلاه ألناطقيــــــن
غير أهل البيت يا هو يفـسره
شيعه حُبنه عـن محمد مصدره
======
عن محمد أسمع ألهذا ألخبــــــر
كال للإسلام مضمـــــــون النصر
يطلع المهدي يُبيد أهل ألمُكـــر
يمحق أفكار الضلاله الكــــافره
شيعه حبنه عن محمد مصدره
========
هل خبر مسنود عن المؤتمــــــــن
ألحجه منهم يظهر بأخر زمــــــن
المهدي بالتأكيد مــن صلب الحسن
يتمم المــوعـــــــــــود أثنا عشره
شيعه حبنه عن محمد مصدره
=============
كل رسالات ألســمه بيه دليل
يظهر المهدي بعـد دهرا طويل
هل أمر محتوم من الله الجليل
يحطم عروش الضلاله الكافره
شيعه حبنه عـن محمد مصدره
ولإله القادر أبهذا آمر
خادم أهل البيت ع
سيد كاظم الشرع
رد مع اقتباس