هنا

[بحار تائه]

السلام عليكم احبائي الدرر بعد مامليت من التفكير والقلق لفترة ليست قليله ارجو مساعدتي
اني حبيت بنت من وحسيت انه هي تحبني بعد وصار وقت وتكلمنه وهي اعترفت بحبها وانا حبيتهه وتعلقت بيهه اكثر بس شاء القدر ولظروف انو مصارت من نصيبي وتزوجت وحاولت انساهه كوة وكدرت انسه شوي بس بخلال الفترة الي احجي وياها اعترفتلي انه جانت تحب واحد وانفصلوا لاسباب وجانت ايضا تكلي انو بت عمهه هي الي ورطتهه بذاك الحب وكلتلي عن كل حياته وايضا حياة بنت عمه الي حسب كلامه انو بت عمهه جانت ايضا عدهه علاقة بس مجانت العلاقة شريفه وبعد فترة طويله شائت الاقدار ان بنت عمهه طلعت تحبني وايضا اعترفتلي وانا الصراحه كتلهه اي وكملت العلاقه الى ان تعلقت بيهه ولكن المشكلة انو هذي هم حجت على حبيبتي الاولى نفس الشي الي حجته ذيج عنهه وصرت بين مصيبتين اصدك منو واجذب منو وكدرت اتكلم مع الاولى وكتلهه عن الي كالته عنهه بت عمهه ونكرت وكالت جذب ومااكدر اواجه الاثنين واريد مساعدتكم لان كلش تعبت ودمرت ومااكدر اضلم وحده منهن مع العلم انو حبيبتي الثانيه متعرف انا اتكلم مع الاولى

اسف ع الاطالة

[توجي توجي]

ولله ماعرف شلون رح تكدر تعرف منو الي تكدب بينهن اجوز القدر يكشف الحقيقة انتظر والله يلهمك الصبر لحين تطلع الحقيقة

[قطرة ندی]

والله الحل للموضوع اظاهر 2 جاي يكذبن فاترك الموضوع وابتعد عنهن 2 لان ماكو هيج حب ترة

[Nana& Nayyer]

حب وحدة ثالثة وانسى ثنين