بردت يا علي وثنين عندي اطفال
بردت يا علي وثنين عندي اطفال
وجهالي من البرد يبست شفايفهم
اليحبهم الله جانو عندك انت ايتام
كافل وين ادور مات كافلهم
علي بداعت محمد بس اريدا هاي
من كابوس الحياه بنعمه جفلهم
بعت كلمت بعت بس حته استره الحال
وعلي جتافي الملاك وانت اسالهم
انه من الجوع انام وكعد من الجوع
وعلي بلكمت اليرجع بيدي اوكلهم
ينشدوني الشبع يا يمه شكله شلون
رغم طاري اسم ابوهم والله يشبعه
وغلاتك يا علي من الناس محرومين
اليصد يلفض خطيه وهاي تجرحهم
دعيت الله بدليلي وسولفتله العوز
صلفه الدنيه عين وحيل تخزرهم
بس تفاجئت من رد الله الكون
عليه وبي فهمت اليكضي حاجتهم
كال شكد كواكب عندي بس تالله
اليتامه اباب حيدر كوني يحسدهم
كلت خليني اسولف قصه يمكن عود
عن كسرت الخاطر قصه تشغلهم
بديت احجي وحس بالهفه صفنو حيل
بمشاهد قصتي ودمعاتي تلمسهم
وكتلهم نسيت انه النهايه شصار
بجو كالو اكيد يموت والدهم
لذالك يا علي متانيتك تهد خير
اولدي بكاع جفك رايده تحطهم
الشاعر الترف. علي حبيب الخزعلي
رد مع اقتباس
