الوفه ياخذني صاير مدري ليوين
بدرب ذله وخناجر تمشي بكفاي
وأنه أعرفهن خناجر مو غريبات
وأميزهن رغم ماجانن هواي
خناجر ربعي وينامن بالمتون
ورغم طعناتهم ضليت وفاي
وفه بيه بكثر مابيه طعنات
بكثر دكات ربعي الناقصه وياي
بكثر ماصحت لأمي أتحضر الزاد
بكثر ما جفي دز لشفافهم ماي
وجه بابي وكع كد ما يدكوه
وكمت بالدكه أميز منهم الجاي
مثل طبعي كلت ياطبع الأصحاب
ولو مثلي صعب تلكون وفاي
النفس يدخل ثواني بصدري و يروح
أودعه بدمعت المتعاشر وياي
أنه مثل الهوا وما ميزت زين
بين الناس ياهو العرف معناي
رحت بشفاف موته وما يقدرون
أنه المفروض أروح بشفت الناي
ومو شغلت تواضع من الأصحاب
رضوا بالقمه أصير و همه جواي
بس رادوني أصيرن عالشمس فوك
و يرتاحون همه بسد الفياي
رجف جفي وعليه أتئامروا زين
شته وليل وسوالف كلها بهداي
عرفت الطاعنيني أتئامروا زين
أبيتي وجان سد فوكاهم غطاي
و خروني غفل من درب الأحباب
مثل الشيب لمن وخر أصباي
انه اعداي اكدر لهم ذوله هينين
دخذ ربعي يربي وعوفلي اعداي
رد مع اقتباس
المشاركة الأصلية كتبت بواسطة أوراق شاعر
