شمالة ابوهة وحلف ماينطيهة
من الطفولة وفاتحتهة اقريتهة
جنت اغار من الهوى ايطب ريتهة
جنت باني احلامي بيج
جنت اعوف امي واجيج
كلبي بعدة زغير انة وحبيتهة
من الطفولة وفاتحتهة اقريتهة
....
شمالة ابوهة وحلف ماينطيهة
وانة ابوي من الزغر شاريهة
عمي حكي اعتب عليك
كون تنسة جفوف اديك
بيهة اثر فاتحتي كون انسيتهة
من الطفولة وفاتحتهة اقريتهة
....
منين اجيب الوالد ويشهد عليك
كون ترهم ينفض اترابة ويجيك
كون اطلعة من الكبر
يشهد بهذا الامر
كون ترهم والله جا سويتهة
من الطفولة وفاتحتهة اقريتهة
....
عمي اذكرك بيهة لو ناسيهة
كاعدة بحضنك وانة امحنيهة
تذكر بيوم البجت
بس اجيت انة اسكتت
كماطي بعتة وحلقة بيه اشريتهة
من الطفولة وفاتحتهة اقريتهة
رد مع اقتباس