انا الصاحبي ازرعله الاورود واصيرله مثل في البساتين

ونته بخنجرك تطعني ياحيف مو صحبة عمر صحبة سجاجين

الحلوه بصحبتك اعرف شكو اشبيك وسلبياتك اعرفهن وعدي

لان ما اريد اخسرك كلت ياحيف وتاليت الصداقه بهذا حدي

انا الخاطرك عفت احلى صحبان العشت عمري بهواهم حلم وردي

ياروحي الصداقه انعدمت ابنوببدرب اللي مشيتي اوياه ردي

مو كلمن يجي تفكيله بابينالصديق الزيف باب ابوجه سدي

الصديق ايصير اخو وبالشده يراد ويضحكلك صدك لمن يلاكيك

ومو كلمن ضحكلك يعني يهواك اكو بوجهك ضحك بس يضحك اعليك

واذا يضحك جذب يعني اصله معروف جاي اوياك حته يضل يعاديك

ما جيت ابشماته اوياك فد يوم اصيرا سيف الك لمن الاكيك

تعرفني النوايب غيره بالفزعات وافزعلك صدك وبروحي افديك

الصداقه المن صدك بس لا تضنه ادروب درب واحد ومر بيه انه ادليك

لا تغدر صديقك ابقه وافيه هذا احسن درب للصحبه انطيك