قصيدة كعده= هاي الدنيا ادوار =سيد كاظم الشرع
ادوار
===
أدوار= هــاي الدنيا أدوار
وختار= أنت بكيفك اختار
تمشي بطريق المكرمه
لو تمشي ويا ألظالمه
تضيع ألمــــــــــــــــــعبار
هاي الدنيا ادوار
-----------------
من يوم آدمنه نزل=للوطيه وصار يُعمُر
نزل وياه أبو مرهَ =وصارللإجرام ينشـر
دخل بين أولاد آدم=زين إلهُم طرق للشر
صارلأخو ضدلأخو=بيه أبن آدم تــــــأثر
بس الحليم اليفتهم=مايقبل بهذا الوَهَم
يرفض فكارهل الظلم=للحك يساندوينصر
من ذيج ألأزمان=تبعـة الشيطان
صارت عقول الجاهله تقـلد ألأشرار
هاي الدنيا ادوار
--------------------
الدنيا هاي وأنت تملك=عقل عندك بيه فكر
بيــــه دربين تعرفـهن=درب خيرودرب للشر
ألخير معروفين أهــلَه=للـــكرامه يريـد ينشر
ألشرمبين مرامـــــــه=للحقــوق يريد يهــدر
وختـارأنت يادرب =خير وحقد بيمن تطب
إلينشد الخير ويحب =يضحي لجل ألخيرمنحر
ويضحي ميخاف=ميهاب ألجلاف
يقتدي بنهضة كربله منهاج ألأحرار
هاي الدنيا ادوار
------------
ألدنيا مـــعروفه بغدره=بيه لا تمن وتنغـر
لاتمشي مرحاً بالأرض=لا لخدينك تصعــر
صَلب لا تكن يـــــابس=لاتكـُن لين وتعصر
لاتبسط أيدك كُل بسط =لا تغلـه إلى المنحر
حسن أخلاقك بالعمل=لايغلب عليك ألأمل
لحظات عنه وترتحل=تره الدنيا هاي معبر
لا تنغر بهذا الوهم =بحبل الولايه اعتصم
تاخذ جوازك من علي وتعبر المعبار
هاي الدنيا ادوار
------------------
هناك ماتكدرتدافـــــــع=تشوف كُل العمل مُحضَر
كُل نفس يصعد وينزل=مسجل وتلكاه بـدفــــتر
ربك الحافظ سلــــطــه=عليك وبأمرك تســيطـــر
وفوك العرش ربك يره=ألباري بالمرصاد ينـظر
ما ينفع هناك ألعذر=ماكو محامي ألينتصر
غيرالنبي سيدالبشر=وحيدر اليملك الكــــــــــوثر
ثبتت هل خبــــار=بحك حامي الجـار
يرد ألذي مابايعه ويسجي ألأنصار
هاي الدنيا ادوار
----------------
شكثربالتاريخ مرت=أشكال ما تنعرف كثــــره
وين نمرود ورجاله=الجانت تحــــارب القدره
وين فيل برهة وزلمه= وين خيله وين حشره
وين طاغي الشام نشدك=وين قصره وين كبره
وين الملوك الفاسده= وين الطغات الحاقده
وين ألخلافه الراشده=غير حيدر أبـــــو العتره
ما ظلت آثـار=ألكل ذيج ألأشـرار
غير الوصي المرتضى وعترت المختار
هاي الدنيا ادوار
---------------
الزمن ذاك الزمن نفسه=نفس ألأيـام وسنين
أبد مـا يختلف شــــعره=عن زمـــان ألأولين
حسين لو نفرض يعود=بكربله يعاود حسين
تطلع أشـرار تقاتلـــــه= ولزينب تزيد الونين
موحرمله وحده نذل=حين الفطم ذاك الطفل
هوايه أنذال بهل شكل=كثره أمثاله المُجرمين
والبعض باعة للشرف=عقدت سقيفه بالنجف
خانت علي المرتضى نصرت ألأشرار
هاي الدنيا ادوار
---------------
ياعراقي الوكتك أصحه=لا تظل جاهــل وخامل
لا تغــرك هل مظــــاهر=بيه لا تنـغر يجـــاهل
مثل نبتت ورد حلــــوه=نابته بحظن المزابـــل
ولأفعى حلوه بـــالمس=لا جن بســــــمه تقاتـل
بهاي البشرلا تنخـــدع= لا ترتجي منهم نفع
يتظاهرو لك بالــــورع=وكل عملهم عمـل باطل
بحبل الولايه أعتصم= اربعطعش أهل العلم
بس ذوله بيهم التزم وترك الأشرار
هاي الدنيا ادوار
سيد كاظم الشرع
رد مع اقتباس
