اني انا العباس ((بقلمي المتواضع))
أني انا العباس اغدو بالسقى
لا اهاب الموت يوم الملتقى
ال آل امية ماكو جيش
بسيفي مااضنة ايعيش
خل يلوموني اذا واحد بقى_ _ _ _
آنة دربني علي بسوح القتال
سيفي من يحصد بعد ماضل مجال
خل يلاكوني اذا فعلا رجال
مايعرفوني أذا صار النزال
آنة عباس اليطب
الناري اخليهم حطب
الموت الهم آنة وحدي ايحققة
خل يلوموني اذا واحد بقى_ _ _
بالحرب معروف آنة من ارتجز
الميت ابكبرة شرط لازم يفز
احسب الاموات بالعد والفرز
صولتي اعلى اعداي هاي اصعب لغز
من يحلها المسألة
شنهو معنى كربلة
الكل بني سفيان تعني المشنقة
خل يلوموني اذا واحد بقى_ _
_بزودي اطب اليوم صوب المشرعة
صوتي كل الجيش لازم يسمعة
قسم اقسم بالنباء والقارعة
ابكربلة اخلي الجثث متوزعة
اقسم ابواحد احدذكر ما الهم ابدغضب من انزل عليهم صاعقة
خل يلوموني اذا واحد بقى
_ _ _ _
والدي الكرار امير المؤمنين
أني أنا العباس ابن ام البنين
روحي منذورة فدة الأسم الحسين
ماتهمني اجفوف ماهمتني عين
ألمهم ضلت رايتي
قدمت كل اخوتي
جفي باب الموت هوة اليطرقة
خل يلوموني اذا واحد بقى_ _ _
تمت بعون الله ونسألكم الدعاء
بقلم خادم خدمة الحسين الشاعر علي البدري
رد مع اقتباس
المشاركة الأصلية كتبت بواسطة نورانيّة
