مصايب كربله بطريقة النعي بقلم السيد كاظم الشرع
مصايب كربله الصُم الصخرتصدع
==========
مصايب كربله ما تنحسب بحساب
ثجيله وشيبت كلب الطفل والشاب
وكليب الفواطم مــــن هضمه ذاب
============
يشيعي تصور الحاله بكلب مالوم
لا تنسه الوداع الصار ذاك الـيوم
بين حسين ولأكبرعلي الجيـــدوم
زينب تنضر الحاله وتهل مدمع
======
مـن بعد الوداع تعنه للحومـــــــــه
علي يشبه محمد جده برسومــــــه
مثل حيدرعلي حملاته معـلومــــــه
لا جن القـدر يا حيف إله أســــرع
=====
نزل للحومه أبو اليمه بكلب مهموم
لكه لأكبر صريع موذرينه الكــــــوم
حط خده على خده وصاح يم جلثوم
يليلى غاب بدرج بعد مـــــــا يطــلع
======
لهفي على الغريب من عتنه بهمه
العلي لأكبر يجلب جروحه ويشمه
ما أنسه العقيله مـــــــن دنت يمه
عاف أبنه الشهم ليه ورجع مسرع
=====
ينادي يا عقيلة والــــــــــدي حيدر
ردي للخيــــــــــــــم حاميلي الخدر
أعز خِدرج يزينب من علي ألأكبر
يختي الساعه أجيبه وللخيم أرجع
=======
جمّع كُل قواه وحاول يشـــــــيله
لجن عظم المصايب بيد الحيلـــه
كلي شلون حـــــــــال ألوالده ليله
شلون ألأم على فراك ألولد تهجع
=======
رمله شافت الأكبر يطيـــــــح أطعين
صاحت يبني القـاسم يماي العـــــين
يبني عوف عرسك حامي عن الدين
عضيدك طاح بالميدان وتــــــــوزع
=========
وكأني بجاسم يكله يبــــــــعد جلاي
أضحي دون عمي يسرتي ويمنـاي
من عودي الحسن يمي وصيه هاي
محله الموت دون حسين والمصرع
======
نزل للمعركه بعزم وصبر ويمـــــان
جسع نعله نكطع يا حكمة الرحمــان
ستنكف يمشي حافي بساحة الميدان
غيور بن النبي سيد البشر اجمـــــع
========
لهفي على الشباب بن الحسن جاسم
نزل فرحان للحــــــومه بوجه باسـم
برماح وسيوف حتاشة الــــــــــوادم
طاح على ألوطيه وجه يشـــــعشع
=====
حمة نار النزال اشتدت الهجمـــــه
وشتد العطش بطفال أبو اليمــــــه
كفيل العايله العباس أبو الهمــــــه
اخذ جوده ونزل للعلكمي مســرع
=========
عباس الشهم ما راوده كل خــــوف
طشره وجمعه يوزع أله حتـــــوف
مثل نسرالبراري وحدّرعلى رفــوف
لاجن ألأمر مـــــن السمه مشـــــرع
========
كون يطيح عباس على المســنايه
ويطيح الجوده والجفـين والرايه
لهفي على اليتامه التنـنظر مايـــه
ضلت بالخيم تتنطره يرجـــــــــــع
=======
ما أنسه الغريب حسـين حين الـراح
تمدد يم عضيده والدمــع سفــــاح
ينادي نكسرظهري ونطفه المصباح
بعد ما شوف دربي ولا بكـــه مفزع
===
رجع من النهر يتعثر بهــــــــــمه
وعقيلة هاشم بســرعه لفت يمـــه
تنشده وين أخونه راح أبو الهـمـه
يكله على النهر يا زينب المصرع
======
يزينب راح أخوج الجان ما ينجاس
يزينب عالنهرطـــاح العلم والطاس
يزينب خدرج خـــلاف الكمر ينداس
وزجربالسوط لمتون الحرم يـُقرع
====
يشيعي تصور الحاله بكلب مجروح
لاتنسه الحُسين على ألثرة مطروح
تعناله الرجس والسيف بيده يلـوح
ركه صدره شمر والمنحره يـكطع
=======
لاتنسه الحجرمن صاب وجه حسين
شال الثوب يمسح دمـــــه عن العين
لفاه سهم القدر مسموم سهم البين
مرد جبدته ومــــــــن ألكفه المطلع
====
مثلث هل سهم كلب السبط صابه
من ظهره طلع وتمزك حـــــــجابه
كبل كلبه يريته صابني صــــوابه
ولا لكلوب آل المصطفى يفجـــع
======
ذيج الساعه كلي شحال أخت حسين
نزلت للمعاره وتجري دمـــــع العين
تمشي بكُل وقار أربات أبو الحسنين
جبل من الصبر مخلوقه مــــا تجزع
=======
نزلت للمعـــــــــــــــاره زينب بآداب
مالطمة وجــــــــــــه وفكدت ألألباب
مثل أمه الزجيه يـــــوم حرك البـاب
جلال ألله صار البت علي بركـــــــع
========
نشد عنه أللعين وكال هاي منـــــين
كالوّا بت علي أخت الحسن وحسين
آمر جيشه عنه ينفرج صــــــــوبين
حتى تجــــــوز بنت المرتضى لأنزع
=======
وصلت للذبـــيح ورفعته بهــــــداي
ألهي أقبل هديه من رســـولك هاي
ألهي أجان حاكم أنسبي وي عداي
طوع أمرك ألهي الحكمتك أخضــع
=========
ردت بت علي وشافت سنا ألنــيران
بخيام الرسالة وحركت الصـــيوان
وخوات حسين تفتر بالخيم ميــــدان
تنتظر ألأوامر مــــــن علي تطلــــع
======
ردت ولكلب من الهضم محتــــــار
شافت خيمة السجـــــــاد تلهب نار
نادت يا علي يبـــن الوصي الكـرار
حترك بيت الرساله ياعلي شنصنع
======
كال أله يعمه عوفي الصــــــــيـوان
وخبري طفالنه خل تضرب الوديان
سلمي أمرج يعمه الواحد الديان
بالمرصاد ربنه ينظر ويسمـــــع
======
بعد ساعه الشمرلن يصرخ بصوته
يزينب لليسر كومي هلــــج مـوته
نادت ياعلي يونس وسط حـــــــوته
وحظرته ياعلي الزينب تعــال فزع
=====
عرش بلقيس جبته للنبي سليـــمان
ومن أرض المدينه وحضرت سلمان
هذا حسينك العريـــــــان والعطشان
جسمه عل ثره وراسه بــرمح يُرفع
====
عفه صبرك يحيدر ما كلبة الكــــون
عزيزك هذا ضل بكربــــــله مرهون
ثلث تيام فوك الغبره مـــــــا مدفون
على جسمه الوحوش تصلي وتركع
=======
لهفي على الحرم حين المشن يسره
ومـــــن بعد الكفيل ألهن زجــر يبره
ما ننسه العليل اليسجب العــبــــــره
بسكوت الدمع مـــــن ناظره يطلع
======
لهفي على الحرم من طبن الكوفه
ربات الخدر بحـــــــــبال مجتــوفه
نغل مرجانه مرتاح على هالشوفه
ولثغر السبط بالمســــطره يـُقرع
======
لهفي على العقيله بمجلس أبن زياد
يشتمه النغل وبمحضر الســــــــجاد
العقيله بكل شجاعه ردت ألجــــــلاد
أتبوء مقعـــــــدك بسفل درك توكع
======
من الكوفه سره الحادي بظعن أيتام
يسج بالليل ما يرضى اليتامـــه تنام
يريد يزف خبر ليزيد طاغي الشــام
ما راعه اليتامه وراقب الرضــــــع
=====
بطريق الشام طفله من الظعن طاحت
يحادي العيس تانيني برعب صــاحت
بلله لا تعوفـــــــــــوني وهلي راحت
أخذه البين وصواب الدهر يوجــــــع
=====
العجيبه راس أبوه يرتكز بــــالحين
نتخوله من الزلم بالقوه مــاصوفين
ولاواحد كدر يرفــع الراس حسين
أبدوّا كل جهــــــــدهم لنَــه ماتنفع
======
راحوّا نشدوا السجـــــــــــاد مذهولين
أرتكز بالكاع رمح الشال راس حسين
نشدهم وين أبويه شابــــــــح العينين
طفله لو طفل مـــــــــن الظعن واكع
====
ساعه وسمعوا الطفله بحزن وونين
تنادي وين عمي وين أبويه حسين
نادته العقيله بســـــــج تعتــــبين
أبوج حسين راسه عليج يطلـــــــع
======
من وصلوّا دمشق الشام شافوّاعيد
الجهال بجهله معيده أوي يزيـــــــد
مزمار وطبل تصـــــافح أيد بأيـــــد
فرحانه البهــــــــــــائم تاكل وترتع
=======
من شاف اليساره يزيد بالديـــــوان
ناده بكل وقاحه الجده أبو سفـــيان
أخذت الواحد بسبعين مـــن عدنان
وراس حسين هذا بالدم ملـــــفع
=====
زينب صاحت بحسره وكلب مكسور
يجدي أفزع علينه أمت يا منصــور
يزيد ينادي بشيوخه بفرح مسرور
وبناتك باليسر يالمصطفى تقـــــبع
=====
نادت يا يزيد علـينه تجـــــــــــــسر
لون حاضرأخونه ولله مــــــــاتكدر
يا وسفه الزمن مـــــن عادته يغدر
يحتضن الرذيل وللشهم يصرع
======
وتعال وشوف موقف سيد العباد
حين الي صعد وتعله عل أعـواد
خطب خطبه بليبغه وبين شماراد
بيه غير أفكار الحــــــــشد أجمع
======
كال ألهم يهل وادم أسمعوّا زيـــــن
أنا جدي محمد سيــــــــــد الكونين
وجدي المرتضى فارس بدر وحنين
وبوي حسين جسمه بكربله موزع
=======
صارت ضجه بالمجلس نحب ونـياح
ويزيد اللعين على ألمــــؤذن صـــاح
كله كوم أذن حيّ عل لإصــــــــــلاح
بلجة عن فضيــــــــحتنه علي يرجع
========
لمـــــــن نادى المـــؤذن هلل وكبر
ذكر أسم النبي ويشهـد على المنبر
علي السجاد من عينه الدمـع حـّدر
صاح بصوت عالي وبكلب مفجع
=======
محمد هذا جدك يبن أبو سفـــيان
أنت أبن الطليق تعرفك العربـــان
إذا جدي عليش مجتف النســوان
بنات المصطفى خيرالبـشرأجمع
=======
ذيج الساعه آمر زمرته ألأنــــذال
تفك قيد ألحرم وتكــــــطع ألأحبال
عن ركبة علي كال أرفعوّا ألأغلال
والباقر يعاين حالته ويســـــمـع
======
سكنهم خرابه يزيد طاغي الشـــام
ومن كثر التعب صارت رُقيه تـنام
شافت وجه أبوه بعالـــم ألأحـــلام
يا وسفه الحلم ما يشبه الواقـــع
=====
من فزت يتيمة داحي ألبيـــــــــــــبان
أرتفع وسط الخرابه النوح والأحزان
والجلواز فورا راح للديــــــــــــــوان
أخبر سيده يزيد ورجـــــــــع مسرع
====
ويزيد الرجس لمن سمع أخـــــبار
طفله تريـد أبوه حسين يلفي الـدار
وده الراس ليه الحــــــاقد الغدار
يريد بهل فعل كلب الحرم يفجــع
=======
حين الشافت الراس بطشت موضــوع
عليه ذبت نفسه والكلب مفــــــــــجوع
كضة وسفه اليتيمه وسكنت من الروع
شالته العقــــــيله وتسجب المدمــــــع
========أجت مغسله لرقيه تغسـلـــــــــه
بنضره فاحصه صارت تأملـــــهشافت لن زرك كله مفاصـلــــــه
صاحت بيه عله خاف تنقـلــــــهأخافن أنعدي من الطفله وتوجع
======
زينب كالتله والكلب حـــــــــزنان
تهدي يا أوخيا أتعوذي الشيطـان
الطفله مومريضه تهدي بالرحمن
هذا من سياط اذناب أبو سفيـــان
ما بيه ألم كبل السبي يوجـــــع
=====
تعال وشوف مرقد هل يتيمه شلون
مطرز بالذهب والجوهر المكنــــون
كرامه هاي للهادي زعيم الكـــــون
كرامــــه هاي للزهره وعلي لأنزع
=====
ما أنسه هند حين ألاجت ليــــــهم
مرّت يزيد أجتهم تشـــتفي بيهــــم
أميره حاكمه على الشــام وعليهم
والخادم حمل كرسيه المرصــــع
====
من طبت عليــــــهم حست بآلام
تشوف وجوهم ضوت ديار الشام
نشــــدتهم منين أنتـــــم يهل أيتام
ماسمعت جواب تشوف بس مدمع
======
التفت عايــــــنت زينب تهل العين
كالت يا أسيره موطنج مــــن وين
كالت بالمدينه أهلــــــــــي مبينين
هذا راس اخوي على الرمح يُرفع
======
كالت هند بلله يــــــا مدينه هاي
يختي من سمعته ذاب شحم جلاي
يختي جلمتج زيدت همي هـــواي
أكثر فصلي عنه أريد أســــمـع
=====
العقيله جاوبته مــــــوطن المختار
الشـــــــرفه ألجليل الواحـد الجبار
وحنه اليوم يسره عدكـم وخطار
ما واحد حشــــمنه وبينه يتشفع
======
هند من سمعة بطاري النبي ألأروع
نزلت مـــــــن تخته البل ذهب يلمـع
هوت للكاع كامت تسجد وتركــــــع
كعدت على التراب وتسجب المدمع
========
هند كالت الزينب جوابني زيــــــن
أنشدج عن نزل مولاي أبوالحسنين
بيه ترعرعت اخـــدم حسن وحسين
وبعد عن العقيله زينب أرد أسمــع
=======
من نشدت هند عن حيدر الصنديـد
ضجه صارت ونوح وزيادة ويــــد
وعقل ذيج الاميره صاربي تشريد
صاحت خبروني شصار بالانزع
=======
صاحت زينب بحسره ونفس ترديد
أنا زينب وراس حسين عنـــد يزيد
والعباس فوك المشرعـــــه العميد
وأم جلثوم هاي وسكنه هـل تسمع
===
من سمعت هند هذا الخبر هــاجت
والشام بأهلـــــه رتجت ومــــاجت
للديوان طبت بالحزن نـــــــــاجت
يزيد شلون راس أبن النبي يُكطع
=====
كال أله هند نوحي لون ترديـــــن
أبن زياد عجل بالحـــــرب لحسين
كالــــــــــتله يزيد أنت عـدو الدين
انت آمرة راسه برمح يرفــــــع
====
جلت قدرت الباري شكتب بالـوح
بعقر دار أليذبحه يُندب المذبـــوح
هند نصبت المأتم والكلب مجروح
تعزي فاطمه بالحادث المفجـــــع
من بعد اليسر آمر يزيد الشــام
ترجع للمدينه ألحرم ولأيتـــــام
ردت هل ضعينه محمله بــآلام
زينب وليتامه تنوح ما تهجــع
====
وصلت للعراق وعاينت دربين
واحد للمدينة واحد عله حسين
صاحت ياعلي يبني ينورالعين
خل ظعن اليتامه الكربله يرجع
====
عده عتاب ويه حسين هــــل أيتام
تريد تعاتبـــــــــــه وتخبره بالأم
تخبره عن رُقيه الي كضت بالشام
وترد راسه عليه بلجت يرد يسمع
====
بلجت من نرد الراس للمظلـــــوم
يتلكه اليتامه يكعد مــــــــن النوم
يسلي العايله وعنه يزيل همــوم
ويزيح التعب وينشف المدمع
=======
وصلت للمعاره أم الحزن وتنـــــــــوح
على كبرحسين طاحت والكلب مجروح
نادت وين سكنه كومي زيدي النــــوح
على حسين وعلى أل النــــــبي أجمع
جالن عل كبر بالحسره ولأحزان
ليلى وزينب وجلثوم والنســـــوان
هذا الماي أشرب يالمتت عطشان
بلجت ترتوي وروحك ألك ترجــع
======
خذن جولات يم كبرالغريب حسين
وصاحن ياعلي درب الشريعه وين
دلينه على خونه مكطع الجفيـــن
عباس الشهم لوّ شافنه يفـــزع
=====
وصلن للشريعه يم كبر عبــــــــــاس
صاحن يالكفيل أنهض يبوالنومــاس
علينه خلاف عينك جسرت ألأرجاس
يظربونه ويشتمون الوصي ألأنزع
======
ثلث تيام ضلت والكلب مجــــروح
كل ساعه بكبر واحد تجيم النوح
كال أله علي ياعمه خــــل نروح
الكبر جدنه النبي ونخبره بالمصرع
======
كالتله يبوالباقر شــــكل للنـــــاس
لوّ نشدوني عن حسين والعــــباس
شكلهم عفت خوتي ما عليهم راس
وعبدالله الرضيع ويـــــاهم مكطع
========
عافوا كربله وكصدوا أرض يثرب
حين الشاهدوا حي النبي كـــــرب
العابد ناشد الحادي بشـــــــر يكتب
شعر ويروح يم كبر النبي يصدع
====
حمل راية حزن سوده وللمدينــه راح
وبصوته الجهوري الناعي حين صاح
نذبح رمز العداله وكوض لإصـــــلاح
وجسم حسين ضل بكربله مــــــوزع
======
بشر من أعلن القصه ونشر أخبــار
صاح بصوت عالي وسمعته كل دار
جزاكم سومه ألبستوا الشنر والعار
خلاف حسين وحشه الدنيا ماتنفع
===
أجت أم البنين وأوجبت يمـــــــــه
وتسمعه ينوح وينعى أبواليمـــــه
تكله اسألك جاوبني يـــــــــــا يمه
ليمته علينه يعوّد ويرجــــــــــــع
===
صاحة يهل ناعي ليش تنعه حسين
يريت بحلكك تـــــراب الكبر والبين
نشد عنه وعرفــــــــــــــه أم البنين
حار شلون الهه يفصل المصـــــرع
كال أله نجتل جعفر أبو ألهـمـــه
وبنج عون عل التربان ضل يمه
عثمان الشهم طاح ونزف دمه
عله الغبره طريح وجسمه متوزع
كالت ما نشدتك آني عن عثمـــــــان
لا عن عون لاعن جعفر الريســــان
أخبرني عن ابوالسجاد عالي الشان
يريت حسين سالم والوِلِـد تصرع
====
كال الهه نجتل عباسج العينـــــــــــه
فوك العلكمي صاب السهم عينـــــــه
جفوفه تكطعت يسراه ويمينـــــــــــه
كالتله فده لحسين كل اولادي الأربع
===
كال حسين عاري ضل عل التربان
يمه مطرحه ألأنصار والشـُبـــــــان
بحرالصيف ماضاك العذب عطشان
ولا واحد بكطرة ماي أله تبـــــرع
====
ام عباس ردت تسجب العبــــــره
ونار حسين بالدلال متــــــوجره
وفه من أم البنين الفاطمه الزهره
والحامي الحمه حيدر علي ألأنزع
===
وزينب نادت بحسره وحزن ولام
يمحمد ليفتك أشجي هضم الشام
يخويه ريت تنظرحالت ألأيــــتام
سهرانه وتنوح اليل ما تهـــجع
===
يمحمد ردت تحضر يعالي الشان
تشوف أختك أسيره وطبت الديوان
مربوطه بحبل من أيدي للوجعـــان
وجهي شلون أستره الناس تتنوع
===
كـــــــــــال أله يزينب حكج تعتبيــن
أخوج آني يزينب وأنتي تعـــــرفين
لوله علتي مــــــــــا كصرت تدرين
أفدي حسين بــــــالعنين وألأذرع
===
لهفي على العقيله من لفت للدار
طبت بيت أخوهه وشافت ألآثار
محراب الصلاة مظلم بدون نوار
خلاف حسين وحشه الدارماتنفع
===
طبت دار أخوهه وبدئت الأحزان
كالت للوصيفــه أغلــجي البيبان
علينه ما أريدن تدخل النســـوان
تشمت بالجره على ابن النبي ألأروع
===
ساعه ولن لفت حـُره تــــــــــدك الباب
لنه أم البنين الفاجــــــــــده ألأطياب
تنادي حسين يبني وين شخصك غاب
يريت الناس فدوه تروحلك أجمـــــــع
===
تلكته العقيله تلطـُم على الـــــراس
وتصيح بحزن يا ويلي عل عباس
يمي شرد خبرج عن أبو النوماس
دون حسين أرخص مُهجة مسرع
===
يم عباس يمي الكمر حين الغـاب
علينه هجمت ألأشرار جنه ذيـــاب
مثل ماهجمت ألأرجاس يوم الباب
على أمي الزجيه وكسرت ألأضلع
خادم الحُسين (ع)
سيد كاظم الشرع المحمودي الموسوي
رد مع اقتباس
