صرت كتالي بركبتك دمي صار
لاتسولفلي عله جرحك عمري ضاع
الجرح يشفه سنيني وين الگيهه
تبچي چي مايك تبده عله السراب
انه روحي لخاطرك چافيهه
كون مو گد الهوه شجابك عليه
چفوف مو يمك شكو تلاويهه
لاتبرر ذبلت الورده بديك
انت موگدهه الشمس شعليهه
ورده ماتت المن ترشلهه ماي
وهذا ياهو الگالك تحييهه
صرت كتّالي برگبتك دمّي صار
وذيچ روحي بذمتك خليهه
سالفه العاف القفص يرجع عليه
شعنده راجع بعد لاتحجيهه
انه ردتك لمن چانت بيه روح
ترجع المن بعد روحي شبيهه
التفگه المكتره بساعات الثگال
فشله من يگضن تجر سرگيهه
ولاتعيرني الجرح غير انت هاذ
انه لو اعرف جروح اشريهه؟!
تطيب لومهما تمر بيهه السنين
جروح المسودن شمس تجويهه
ماتدوم وداعتك يوميه راي
بدمعه وبضحكه السنين أكضيهه
شالتك دنياك بس باچر اطيح
وترجع تسحگك سحگ رجليهه
مثل طبع الگاع مره تموت خوف
ومره يصعد للشمس برحيهه
شوف وين وياك وداني العتاب
خل ارد السچه ماماشيهه
وهيه تصفه شلون مو شغلك هذاك
روح عني وربك يصفيهه
رد مع اقتباس
