ها يسبع الكنطره وليث الطفوف
ها يكافل زينب يسمونه
هايمن ضحيت عينك والجفوف
وياهو مثلك ماتهمه اعيونه
جايك شجاي موزاير واطوف
جاي اسولفلك على الخانونه
العلنهر منعو وصولك للجروف
هسه من نفس النهر منعونه
صرنه ركبه ومعشر الوادم سيوف
ومدري يمته الوادم يذبحونه
صاحبينه اصفاره نحسبهم الوف
واحنه مليون وصفر حسبونه
الباكهم عرفوه وما كلوله اوف
وبرو البايكهم وتهمونه
اندارت الدنيه وعكس حال الضروف
وصرنه مطلوبين للباكونه
جايك مجروح ودموعي التروف
وجرحي عجزو عنه اليخيطونه
ربعي شايلهم جنت فوك الجتوف
وحته جتفي رادو يطيحونه
رادو يرسمون جفي اعله الزلوف
وجفي البيض مارضه يرسمونه
الك جابوني وطفه امن اعيوني شوف
وياهو يرضه بحالتي يشوفونه
آنه مابايكلي طيف امن الطيوف
شلون واحد مثلي ويبوكونه
انت اليطبلك يزور ابكلبه خوف
اشحال كلبه الطبلك يحلفونه
رد مع اقتباس
المشاركة الأصلية كتبت بواسطة Murtadha AL-hilfy
