ربي صورني ابگـلب يهوه السمر
در حنانك فرفح ابروحي رضيع
استغرب وصدر الوكت غرز شمر
ماعله المضطر ذنب ذوبني بيك
ربي صورني ابگـلب يهوه السمر
اهرام لوعودك بكل طولي بنيت
وحنطيت اخيالك ابطي اليزر
نبت عن فرعون لجلك بالصلاة
وحتى ل ابليس العشك خذت النذر
واهليه الدمع وزرار القميص
طشرتهن واني ادورلك عذر
كطعت ثوبي اعلى سطح المشتكين
مد تشاريفه برج خاف انتحر
شارتك بالايد ومرادك سراب
رحمه مابيك وعذابك مستمر
استرق الشم صبح مدمن هواك
اتنفس اطيوفك وكاسر بالصبر
تخدر اشفافي يدغدها من اصيح
اسمك ابشفتي عسل جن ينهمر
يبوك من الساني صرعات الجنون
ويدري بي معكود بااثار الجمر
موسى والفرعون يختبره برود
طفل ماميز النار امن التمر,,
منقول
رد مع اقتباس
