شعر للأمام السجاد - شعر شعبي نصاري لزين العابدين ( عليه السلام )
علي السجاد وصلتله المنية
بعد ما شاف يوم الغاضرية
******************
شاف اعله التراب حسين مطروح
ودم المصطفى من عنده مسفوح
عله صدره الطفل بگماطه مطروح
وسمع نوح الحرم من هالرزية
****************
شاف الگمر طايح يمّه جوده
امهشّم راسه ومگطّعة زنوده
تمنّه الحيد ابو الحملة يعوده
ربه العيلته هاي المسية
***************
امن اهل الكوفة من بعد المراسيل
شاف الأكبر وجاسم مچاتيل
عالرمضة الشباب ابدون تغسيل
داستهم خيول الأعوجية
***************
شاف اعله المهازيل اخت الحسين
صَد منهه بمدامع تهمل العين
بهذا اليوم گلبه انجرح مرتين
بضحايه كربله وعمته السبية
***************
سمعهه تعاتب العباس اخوهه
بعد ما عسكر الفتنة ولوهه
مهضومة عگب عينه اضربوهه
يتجاسر عليهه ابن الدعية
م
رد مع اقتباس
