عندي واهس هسه اموت واشتل بكلبي رمح
حتى لا ارجع اعيش ومن جديد الكة جرح
وعندي واهس ليلي اشنقة واعدم احلامي الصبح
وانتقم من القصايد كافي ما اريد انفضح
وعندي واهس اعمي عيني حتى لا اشوفن فقير
وانتفض ضد السياسيه الايدت فكرت اسير
وراح اغير كل مسار الما يدور لهله خير
وراح اغير بالمناهج ليش ما تكتب ضمير
وراح اغير فكرة كالت شاعر الصورة سمير
وعندي واهس كلشي اسولف واشتري بحجيي وابيع
وراح اسولف واحجي قصة شجرة ماتت بالربيع
وشخص ضاع بوسط اهله وهذأ بالواقع فضيع
وراح انوه عن بيان الصدره الطفل الرضيع
الطفل جاء ابيانه يعتب ويحجي بملامه
ايها الشعب العظيم ايها الناس النشامه
لازم ايعود الأمان وتفتح ابواب السلامه
ونكتب احنة الدار النه والنه بس حق الاقامه
والشخص عاش بتعاسه وجان يحلم ببتسامه
وجان كل احلامه يصبح قائد ونسمع كلامه
وفجئه حس وشاف نفسه ضايع ويتبع احلامه
وجانت الشجره كريمه وعيشت يامه يتامه
وفجأة ماتت شلون ماتت ماتت بموت الكرامه
جان واهس بيه عايش هسه ماظل عندي واهس
من شفت نفسه اليبوك إعله الوطن صايرلي حارس
رد مع اقتباس
المشاركة الأصلية كتبت بواسطة ♥عاشقة العتره المحمديه♥
