هنا

[نور الشمس]

اتكَلي اكتبلي غزل عن البنات**

يا ترافة تريدهة بشعري تبات

يكلي شعرك ليش اهات ودموع
انته حقك ماشفت خط الشروع
انته ساعة سين تعرفهة شتلوع
تعرف الغاية تعرف الهاونات**
اتكلي اكتبلي غزل عن البنات
******

شعري فك عينة لكة كبالة نطاق
بندقية وسفر وحب للعراق
حبلة وحدة والمواعيد التحاق
جان موعدنة بساحة عارضات**
اتكلي اكتبلي غزل عن البنات
******
شريد اغازل جارتنه ام ثوب الوحيد
ليش اتكلبة حتى يبين جديد
تنتبه لبالهة بالهم شديد
خدود صفرة شلون اكول موردات**
اتكلي اكتبلي غزل عن البنات
******
مرة كتلهة احبج شو بجت
اني خايف لا روحي اتجاوزت
طلعت خطية عدهة الحصة اتاخرت
دعوفني يا حب يا ذكريات**
اتكلي اكتبلي غزل عن البنات
******
تريدني اكتب على الغزل والغي العناء
ا ني سبع سنين كاضيهة بحذاء
هدومي طلبة ذاك من ذاك الشر اء
مو فضل مني وعايش بهل حياة**
اتكلي اكتبلي غزل عن البنات

******
عدنة ليلى تبيع بالوكفة دهن
وقيس عمالة يجد بس على البطن
ومن سألت جوليت كالت بالسجن
روميو تعبان بايك تايرات**
اتكلي اكتبلي غزل عن البنات
******
خل يحجيلك دمع عينة اليسيل
وعن بثينة شتريد احجيلك قليل
عدهة سبع اطفال صارو من جميل
كلهم يجدون بالشارع حفات**
اتكلي اكتبلي غزل عن البنات
******
يا علاقة اليوم ما بيهة دغش
والعلاقة الطيبة تنشال بنعش
شتعتقد سوزان ترتاح لشلش
لو شلش كشاخ وتحبة نجاة**

اتكلي اكتبلي غزل عن البنات

[أسّودي العراقي]

هههههههههههههههههههه
كلمات جدا جميله وبالاخص مال الحصه تاخرت ههههههههههههه

[نصر العراقي]

كلام جميل

[دكتورة اسنان]

حلوووو

[نـــرجس]

أملي عمري تعبت من ألم الانتضار....أحقا مازلت تهواني أم أصبح هوانا سراب....أذكر أياما كان قلبك لي سكن ودار.....كنت أنت القلم وأنا الكتاب.....أشتاق لهواك غصبا ولا أملك أي اختيار.....الانتضار طعمه علقم في حلكي كأصعب شراب......ارجع أشوفك يوما قبل لا يواروني التراب

[نـــرجس]

دعيني انسى بكي همومي وأحزانيدعيني أوقدك شمعي في ظلامي
دعيني أرتشف من رحيق شفتاكي
دعيني أسبح في بحور عيناكي
دعيني أغرق في بحور هواكي
دعيني أرحل بعيد كي أنساكي

[نـــرجس]

ياساكن الروح روحي تشتاق لروحكيامعذبي من غيري يداوي جروحك
من غيري يفهم صمتك ويفهم بوحك
أشعر بسعاده كبيره عندما أرى حروفك
تذهب همومي وأحزاني مجرد ما أشوفك

[نـــرجس]

قالت لا أتذكر من الحياه الا اسمكقلت يكفي تذكري اسمي ان نسيتي الدروب
قالت لو نسيت الجميع لن أنسى قلبك
قلت سأخوض من أجلك جميع الحروب .

[نـــرجس]

يااحلى من كل الحلوياتيابنت بابل ودجله والفرات
حلاوتك زياده كل الأوقات
ابتسامتك تذوب كل الأهات

[نـــرجس]

حبي لك يشبه حب زليخه ليوسف