امده الدنيا التصعد هيجي ناس
امده الدنيا التصعد هيجي ناس
ماتميز المعضد ابين الحجل
وتركب صدور الدواويين وتصير
فلان ابن علان والخير يذل
عالشرف يحجي الامس بايع رخيص
لحمه ويدوسنه نكلات الرجل
الجنحه من (نفاش) لايرها علي ريح
والاسد مو دوم اذا خلف شبل
السيف ماينهاب اذا بكرابه ضال
شنهو فرقه بهاي عن عود الغزل
بالنفاها الثوب التضم الكديش
وبالكلافه اتبين افعال الرجل
اليسرج اظهور النوايب مايخاف
وصدره ديون المثل حلهن سهل
اعوج السيف ويهابنه الركاب
من تلزمه اجفوف التفرزن عدل
لاتهزك جلمة الماعنده راي
ولاتغرك هوسة الكاعد نزل .
وجد المعبار لو رايد تفوت
وكدر الجلمه على كد راي العقل
الدمعه تحجي البيك بس بلايا صوت
وتفضح المضموم لو رادت تهل
لاتخلي جفوف غيرك تدري بيك
اليسوه والمايسوه تحجيله الحمل
غير متنك محد يعينك محال
الزين الك ينشاف لو صارت ثكل
العثره مو فد عيب اذا توك مشيت
بدرب توك شايفه وجدمك تزل
لكن العيب من اشوفنك تطيح
بغلطه يتحاشاها من يمشي الطفل
منقول
رد مع اقتباس
