شاعر متواضع..
الترافه اجمل ما يملك..
واحساسه اروع ما يكون..
صديقي ((احمد الصيادي))
ما كلت للناس عالصار وحجيت
ما ردت فد يوم يطلع حس جرح
جفي زارع دربك اشواك وغرام
وانت جفك زارع بظلعي رمح
توسليت الليل بلكي تمرني طيف
ليش طيفك من يجي بهيئة ملح
يموت الواهس رغم كل انتظار
يفزز اعيوني ويطش بيهه صبح
تريدني اتحمل..؟ بعد شحمل عذاب
وانت ضيمك شيد بكلبي صرح
بيه حسرة طير ما يكدر يطير
عده ريش اطوال..بس ميت جنح
--------؛؛؛؛؛-------
وبيه وحشة ميت المغرب وحيد
اغلى ناس اعليه ما نكلو جدم
ما رهم جفي اعله جف غيرك..حرام
وكلشي من بعدك صفه ابعيني عدم
وانه صوجي وصدكت توفيني عود
شلون اصدك وانت حالفلي بصنم..؟؟
رد مع اقتباس
المشاركة الأصلية كتبت بواسطة رحيل القوافي@
