خـَله سكتــــــه
حتـٌى لايسمع عدوّك وليلوم وتِصفـَه نكتــــه
خـَله سكتــــــه
سوله بيك اتكًــول كل مامر عليك وتحجي كلشي اللي عرفته
خـَله سكتــــــه
قلبك ابيض مثل قطرات النده او للماعرف لون القلوب ابساع بعته
ونيـّـتك نية نبي او حجيك صدك للجذبوا كل السوالف رحت كًـلته
انته بأيام العسر ماي الوجه مايوم بعته
وكًـتك الما نصح مره اتظنه غير كل موازينه وعشرته
خـَله سكتــــــه
خلهه عالمامش تمر اسنينك اليكًــضن قهر
ما هم ا يكـولون كــبلك كلمن او حظه او قسمته
خـَله سكتــــــه
عفيه خلكـك ما جزع لمن جزعته
عفيه روحك تحمل الصبر الصبرته
جم جرح ضمدته بيدك
جم قصيده التكتب او قلمك وريدك
وجم صديج اعله الدغش حط ايده بيدك
وانت ذاك انت التبيع الطيب مارَدّكْ حـَجي
ولا جذبت جلمات عدوانك نشيدك
لا تظنهم غربه ذوله الذمـّو الناس اعله غفله
ولاتظن واحد يجيك ابشده ويفارك فرحته
وهذا طبع الناس كلمن يجمع النار الخبزته
وانت موش اول حزين ايموت والضحكه اعلى شفته
خلهه سكته... خلهه سكته... خلهه سكته
الشاعر كمال حمود السعدون
رد مع اقتباس
