بعد لتظن
بعد لتظن ....
تحايلني الموده وليك روحي تحن
وبعد لتظن. ...
تكاوي امشتتاتي. ...
وبيك بس اصفن وأبد لتظن...
يضوك الدمع عيني ويطفح المجمن
ماﻻزم فرح * * *
كون اليحب مذلول * * *
وبشوفة عيونك عاليحبها اتمن
انا بروحي اليتم من لحظة الميلاد
وشيكلف اليتيم الحزن من يحزن ؟
سكتني اول محبة
الكاس تلو الكاس
مر * * * واتفننت بتكلوجي اتفنن
ونت * * *
ما قصرت *** يابخت هاي الروح
ابسكاي المر * * * ترف مترهدن اترهدن
وانه امباري ويه طولك خاف من ﻻخاف تدفه ابلهبتي * * *
وانه اطك سن بسن
ومذاير * * * حمامه وذيراها الباز
وذير الباز * * * ابيا كتر يمن ؟
كفت ﻻ ملامه * * * وﻻ ضحج شمات
وﻻ كال وكلت وزماط وتمسكن
إهي كطعت نفس لو رفسة المذبوح * *
رفسه ومن بعد يسكن
رد مع اقتباس
