في ليله سوداء غابره بلمنتدى
جنت اني وღkiм ƒɑyяøzɑღكعادتنا نفتر وندور على مشكله
ههههه اقصد ندور على موضوع حلو نكعد نشرب جاي بيه
ودنيا ليل ضلمه وبارده واني لابس برموده وافتر
واني صافن
وجان فيروزه تكول ادريس ادريس ادريس
كتلها شبيج يمعوده شتريدين كالت شفت شيء يتحركبهذا الموضوع
كتله انتضري خل اجيب شمعه واجي
ولكيتزمرد الشمري خاتله اهناك كتلها شبيج يمعوده مو فززتينه
وجانت ترجف خطيه
كالت شفتوا الجني الي يفتر بلمنتدى
كتلهَ يمعوده كولي غيرها .....
كالت : والله اكو جني لونه ابيضوطويل هواي واظافره طوااال
وهمين صوته يخوف وهمين اكل واحد من الاعضاء الجدد
فضجت هواي شلون يجي احد ويخوف زمرد الشمري
هاي زمرد الشمري بس اني اخوفها
واذا جني دخل للمنتدى تروح هيبتي وبعد متخافون مني وتستفلكون الوضع
فقررت ابحث بهل موضوع وكلت لزمرد تعالي ويانه
ومشينا احنا الثلاثه سويه ووصلنا الى اعلى المنتدى يم الاهداءات
ولكيت Hani Al-Mayahi
كاعد وضايج وهو يحب هل امور الي بيها تحقيق
وهمينه وياه ام المشاكل ههههه الي هي ضحكه خجل
وركعتني بكف لان كلت هيج
واخذتهم ويانه وهمه هم سامعين كلام بأن اكو شيء ديفتر بلمنتدى ويسبب الرعب
وفجأه طفت الكهرباء
وصوت بلمنتدى ووووووو ووووووو
طلعت
ঔღঔ gemini girl ঔღঔ
اجت للمنتدى ونست تسد الباب وراها
المهم بعد ما سلمنا عليها كنالها ليش طفت الكهرباء كالت
ما ادري توني دخلت للمنتدى
جنت اتعشى
ودخل
((.. أمــيــر الــعـَـتـَـابــا ..))
وهمزين سد الباب وراه
عاد فيروز حجت لجيمني وامير على موضوع الجني واحنا كاعد نمشي
وجيمني كالت لازم نعرف هلجني وين راح وشحيسوي بلمنتدى
لكن قبل هذا لازم تكون معنا اسلحه نقاتل بيها
بس منين نجيب اسلحه والمنتدى اظلم
كتلهم لا تخافون يمعودين احنا وياكم الزلم السباع وجان امير يكول
شوبكم خايفيين يا حريم ما في شيء تخافوو منوو اه احنا جنبكم
وكتله فديت اللهجه السوريه اموااح
ووكف امير وهاني واني وياهم بل امام ووكفت جيمني بلنهايه تحمي ضهرنه هي وفيروز وضحكه خجل
وزمرد بلنص تتفقد الاوضاع
ومشينا ودخلنا اول شيء يم المشتهديين
بلمنتدى يعني اعلى المشاركين هههه
سلمنه عليهموبدأت جيمني تستجوبـهم
وخطيه خوفتهم لان جانت ضايجه وركعت واحد كف معدل لان ما رضى يدخل
هههههه عاد حجالها وكال الجني فات بكل المنتدى وخوفهم كلهم وشردوا للمنتديات الاداريه
لان اهناك امان
وبدأنا نسير عاد قرت فيروز اسم وجهتنا الاولى وكالت
راح نبدأ من منتدى التقليم والثقافه
اول مره اعرف انه عدنا حديقه بلمنتدى
طلعت قاريته بلغلط وهو منتدى التعليم والثقافه
فتحركنا مسرعين حتى نروح وبدأنا نسير بلمنتدى الثقافي والمفاجئه
شفنا احد الاعضاء الغير مفعلين وهو مسحوب ومقتول
وما نحس الا فجأه يختفي ضوء الشموع ويرجع ومن رجع ماكو الجثه
خرب وين راحت
كلنا تعجبنا
وكملنا مسيرتنا وقسم التعليم والثقافه فارغ ما بيه احد
حتى
رٌؤلآ آلٍعہٌتـــٌہآبٍَـٌـيْ♪ ..ام فاطمه ..لمسات فنية..حـــلاة الـــروح..نسيم الروح
ما موجودين بلمنتدى
المهم مشينا وكملنا ودخلنا منتديات الاصدقاء
وهم
Laraa ماكو
الامر يزداد غرابه يمكن الجني اكلهم
عاد طلعنا مناك ورحنا المنتديات الدينيه وعبرنا وماكو احد اهناك
ودخلنا واخيرا المنتديات العامه
واباوع وراي والكه جيمني هيه وزمرد وفيروز
كاعدات يجمعن حجار
ويردن يفشخن الجني عاد مشينا وهنه كل وحده محضره طابوكه
كلت لهاني وامير ينتبهون لان اذا طفت الشموع راح ننفشخ بدال الجني ههههه
وبعد مرورنا بل اقسام العامه
البصراويه و النقيب و لانا احمد
ماكو همين
حموت واعرف وين راحو برب
ومشينا مسرعين بباقي الاقسام وهم مشفنا اي احد
من (المرقب,,أوراق شاعر ,, ملاك الاحساس ,, استعجلتے الرحيےل ,,ᾗεყмᾄʀ'ṩ lὄὗεʀ)
وفجأه نشوف شيء ابيض كاعد يتحرك وما احس الا زمرد تفقد الوعي
هسه نحير بزمرد لو بنفسنا لو بلشيء اليتحرك
وجان يقترب ويسوي ووووو ووو
كتله له له له ما تخوفني يا ملعون اني ادريس
(الصدك تبسمرت بمكانيوردت ابجي ههه)
انداريت وراي لكيت امير وهانيديركضون هههه
وجيمني وفيروزه ساحبات زمرد وديركضن وبيدهن الطابوك
وضحكه خجل مسويه نفسهاميته
....
على الاقل جان عافن الي فد طابوكه ادافع بيها عن نفسي
وبدأ يقترب مني شويه شويه
واني صوتي انكطع من الخوف
جان يطلع أبن ذي قار
كمشته من رجله وسحل
عاد رجعو جماعة الطابوك والركض
وزمرد شايله بوري وكمشت ابن ذي قار بيه
حقها فززها وخلاها تخرب حتى يبطل شقه ماصخ
كتلهم ليش عفتوني وحدي
مو علساس احنا سويه
جان فيروز وجيمني وامير وهاني على فد لسان سمعنا صوت صريخ مال واحد ورحنا
كتلهم بطلوهن انهزمتوا وعفتوني
عاد رحنا على ضحكه خجل ههههه وبعدها بلكاع وفتحت تك عين
وكالت هاي شكو
كتلها : براسي صايره بطله
وتخافين من الجني
وكملنا مسيرتنا وشفنا ضوء من بعيد وطلعت warda
واخيرا لكينه احد من الاداره يفسر الجاي ديصير عاد
التقينا وسئلنا ورده عن الي ديصير وكالت
انتوا شعدكم هنا ومنو جابكم وليش مو بلمنتدى الاداري
عاد جيمني حجت الها عن الي صار
وجان احصل راشدي طرااخ على وجهي
وكالت شلون تفتر ومتخاف على ارواح الاعضاء وكالت اني حوصلكم لبر الامان
ومشينا بعد ما صرنا مجموعه كبيره لاتخشى الجني
وطبينا لاقسام الدراسات واللغات واالعائله
وهم ملكينا
{ازهر العامري "" Murtadha AL-hilfy "" Pure "" ɱŭšⓣăⓕă "" ولاية علي "" عازفة الامل "" حلاوة الايمان ""
صفاء العامري}
وهنا رأينا اشياء بيضاء تطير في ارجاء المنتدى كان المنظر عجيب وغريب
يعني
اهنا خفنا من صدك
وصدكنا بمسأله الجني
واحنا دنباوع نسمع صوت وحده تصيح وتكول Help me
واباوع زمرد ماكو وامير اختفى وحتى جيمني وورده وفيروز هم ماكو
عاد سئلت ابن ذي قار وهاني و ضحكه خجل كالو مشفناهم
واجتي ورده وكالت وين اختفيتوا كلنالها ما تحركنه من مكانه
ووين راحو البقيه كالت تعالو ندور عليهم
وضلينه نصيح واجتي جيمني وفيروز وهنه خايفات ويكولن
شافن الجني واختطف امير وزمرد
وهو مو وحده ووياه عائلته
يبووو متنا من الرعب
عاد ورده هدئتنا وكالت امشو نروح للمنتديات الاداريه اهناك امان ميكدرون يدخلون
كلنالها زين وزمرد وامير شلون خلينه ندور عليهم
كالت لاء
عود ندز فريق بحث من نوصل
ومشينا نكمل
يتبع ....
سيتم ذكر بقية الاسماء في الاجزاء الاخرىان شاء الله
لا تنسون التقييم لان هواي تعبت
رد مع اقتباس
المشاركة الأصلية كتبت بواسطة هيثم البغدادي
