هنا

[فقار الكرخي]

شما أگول الظحكه كبرت
تكبر وياهه الضحايه
ناس تركض على العيشه
وناس تركض على اللحايه
وهذا مرجع .. وذاك آيـه
وهذا كافر لأن ماعنده ولايه
داسوا أگبالي حلم أزغر فقير
وداسوا أگبالي حلم أكبر شريفه
وباگوا الهور وكحل طينه وگذلته..
وفرعـوا أكبالي الصريفـه
وأحنه يوميه أنتعارك على السقيفه
عالم يسألون يمته أعله الگمر نبني محطه. ؟
وأحنه نسأل ليش صار أول خليفـه
شعب مدري أبيش حايـر
مايفكر لحظه وحده وهو كل عمره خساير
ونزعت أثياب الضمايـر
وناس أصلا" ماتهم للكلشي صايـر
السني عنده الشيعـي كافر
والشيعي عنده السني كافر
والعمايم وحـده تنهد أعله وحـده
وصايره فصول وعشاير.. ؟
وشعب مدري أبيش حايـر
وشعب مدري الوين راجع
ناس ملت من وظعهه وعينها أعله الله تباوع..
شيله لمت كل ولدهه ونامت بگيض التقاطع
والاطفال الحافيه الذبت جنطهه
وطلعت أتجـدي أعلـه خبزه
وترسم أوجوه الشوارع..
وحايره تحـج الحكومه وباقيه تخمس المراجع
هدمو أحلام الطفوله..
وترسوا الدنيه جوامع..
ل عادل ادهم

[علي الشمري]

عاشت الايادي
حلوووووووووووووووو

[فقار الكرخي]

نورتو الموضوع يالغوالي