هنا

[ارق المشاعر]

السلام عليكم ورحمة الله اشلونكم بنات انشالله ابخير اتمنه موظوعي يعجبكم بودر العرايس انا سويته وطلعتت كلش حلوه وترى هاي من افكاري مو من النت ويالله اكوللكم شنو
كل انواع البودر تنفع بس اهم بودر هوه سمر كيك كلنه نعرفها اتجيبين البودر وتطحنيه وتظيفين عليه اي نوع بودر اخر مثل تاج5 وهم تطحنيه وتخلطيه معا بعض واذا عندج اي بودر للجسم ظيفي عليه ولمع ناعم وشويه احمر خدود واخلطيه كلما صارت اظافات من انواع البودر اتصير احله كملي الخلط هسه اتجيبين ماء مقطر وماء ورد وتخلين عليه خليط البودر الصار عندج الما اذوب عندج البودر بلماء وتصير مثل العجينه خليها ابعلبه وغطيها وكلما اتريدين تستخدميها رطبي الاسفنجه بلماء وستخدمي منها لاتكثري منها لان بياظها كلش صارخ

[ضـحكة خـجل]

عاشت ايدج حبي
جاربي التجربه
بس عندي سؤال يعني كم بودر اخلط
اثنين أو اكثر

[ارق المشاعر]

تسلمين قلبي اهم شي سمر كيك واخلطي وياها بودر مال الجسم مثل جوليا وغيرها اي بودر عندج ابيض ايفيد

[أغرد بهمس]

شكرا
الج

بس اعرفها وجربتها بااحدى المناسبات كلش حلوه بس للسهرات فقط

[ارق المشاعر]

اي لان لامعه حيل اذا يريدوها عاديه مال طلعه يلغون المع انا اسويها لان عندي مراكز تجميل يطلبوها من عندي

[أغرد بهمس]

ﻻﻻ اختي عدها صالون
خلطت سمر كيك
سينمائي
تاج 5
سوﻻف
وقليل احمر خدود
طحنتهم
وكل استخدام انكع الاسفنج بمي ورد وشوي مي

النتيجه حلوه بدون لمع
بس البياض حيكون صارخ....فحددتها للسهرات ^_^
مااحب الباودر بالطلعه.......محرم

شكرا لك مره اخرى ^_^