هنا

[فقار الكرخي]

بسّك يا گلب ماتگلّي ما مليــت
دون الناس تمشيلي بأثر رجعي
يا حب يا مبادىء يا وفه وأخــلاص
يسمّوني الغشيم اليوم كل ربعي
زرّف ثوب روحي طعن الاحبـــــاب
وارگّع بس بعد ما تحتمل رگعــي
جمعت احباب بعتلهم وفه ويا حيف
لا واحد وفالي ولا نفـــع جمعــــي
يگلبي الناس تجمعهه المصالح عوف
أيس .. من وفاهم زال كل طمعــــي
حرگت العَشرة ألهم شمــــع والـروح
ليمه احترگ عمري وذاب كل شمعي
ياماا سامحت واتحملت جويـــــــات
شصبر بعد كافي استنفذت وسعي
صار المنكر بهذا الزمــــن معــــروف
والمو شرعي عد الناس امر شرعي
الطبيعي اليوم يسمّه المخادع ذيب
وعجيبه يعيش أنسان ابمثل طبعـي
أدري الناس صارو كاسر ومكسور
بس آني الأودهم هشّمو ضلعـي
ويّـه اشخاص يا گلبي بطبع نمرود
لا تتبع حسن ظنّـك تظــل تنعــي
مات الوفه وي جيل الأمس دفنوه
فتّح بعد بالك تنخدع ... سبعــي
زاهد:

[عصفورة لجوابر]

حلو ررررروعه ولاروع انته

[أغرد بهمس]

جميل مانشرت
شكرا لك

[علي الشمري]

رائع يارائع
عاشت الايادي
وعاش الاحساس

[فقار الكرخي]

نورتو الموضوع