هاي حبي شلونكم مشتاقتلكم موت موت
اني والله تعبانه ومنهكه وطالعه روحي من الدنيا لان اليوم يله خلصنه امتحانات نصف السنه اليوم كان امتحاني رياضيات وما تصورون الموقف الصار بيه الاسئلة كانت طويله وصايرة هوسه وما عدنا بس ساعتين للحل المهم اني حليتهن كلهن وخلصت قبل نص ساعه من انتهاء الوقت وكعدت اراجع ليش ما امر على سؤال يتكون من ثلاثة افرع واني ما حاله بس فرعين واباوع على الساعه لكيت ماباقي غير 3دقائق ويسحبو الاوراق من يعني صرت بموقف لا احسد عليه بس الحمد لله بسرعه صاروخيه حليته وسلمت الدفتر جا طايرة 10درجات مني بس والله اسئلة المواد كله صعبه كلش
واسولفلكم نكته تدرون يعني المفروض واحد يصير موزين بالدروس العلميه مثل الفيزياء او الاحياء او الكيمياء بس اني الايه عني بالعكس اني البارحه امتحنت اسلاميه وجنت الليل كله كاعدة اقرة وتدرون نسبة نجاحي بيه واحد بالميه والله مو تضحك الله عليكم تضحك مو بس السب مو كله مني هيه المدرسه جابت النا فرع عليه عشر درجات ما داخل من ضمن المادة وكالتنا حلو اني ما يخصني بله مو ضلم وفوكاه ماعدي غير بس يومين عطله والجمعه ابدي اداوم بالمعهد
هسه المهم خلوني مني ومن الملل مالتي وكلولي انت شلونكم شخبار المنتدى منو نجح منو رسب منو تخرج منو تزوج منو اجا ولد منو انخطب اريدكم تكلوللي كلشي كلشي اه اه اه والله مشتاقتلكم احبكم موت موت
باي
رد مع اقتباس
