السلام عليكم ورحمة الله وبركاته.
( ابادة الشعب العراقي )
ماكو داعي اسولفلكم بلي جاي يصير بالعراق من ازمات ومشاكل في مقدمتها داعش (دعوشي ).
المشكله فوك هذه الظيم كلهه تجيك المنشورات الي تحرك كلبك يجيك ويكلك اي يابه كالت صحيفة وول ستريت الامريكية ان الاكراد هم اهل المشاكل وهمه الي سوا الازمه بالعراق ويردون 17% من نفط البصره,,, اذن يجب علينا ان نطالب بحقوقنا ونوقف الاكراد عند حدهم .
او يجيبلك صحيفة الغارديان البريطانية وتقول ان (( كردستان تحصل من نفط الشيعة سنويا على ٢٢ مليار دولار سنويا .. وإذا أعلنت الاستقلال ستحصل سنويا على ٧ مليار دولار من نفطها.وتتساءل الغارديان لماذا يعطي الشيعة ١٧٪ من نفطهم للأكراد ولا يعلنون اقليم لأنفسهم كإقليم كردستان! )) ودور يجيبلك منشور مال فتن بين الشيعه انفسهم عن طريق زرع فتنه بين عمار الحكيم والتيار الصدري او بين العصائب او.....الخ ويجملهه بمنشور مال طائفيه بين السنه والشيعه ومنا عدنه رحمة الله (دعوشي ) يعني ما اريد اطول عليكم السالفه راح واحد يذبح الثاني ويتم ابادة الشعب العراقي والفضيحه الكبرى ماكو واحد قام بأبادته انما قام بأبادة نفسه!!!
يعني معقوله لسه ما درت الناس بهاي الفتن والطائفيه ؟!!!
ويجيك ويكلك صحيح هاي الصحف جاي تحجي لازم الشيعه اطالب بمصالحهه ونوقف الاكراد عند حدهم ودور تعلك بين الشيعه والاكراد لمن واحد يذبح الثاني ومنا دعوشي جاي يشتغل على راحتهه والسنه مغضبين على اهل الشيعه وما يقبلون مساعدات اهل الشيعه وكل جم يوم يناشدون الولايات المتحده بالتدخل وامريكه تريدهه من الله علمود تدخل للعراق وتبدي تشتغل على راحتهه وهوه هذا هدف الدول الغربيه الطامعه في العراق يعني اذا نجحت هاي الفتن وتم ابادة الشعب العراقي تجي الدول الطامعه في مقدمتها الولايات المتحده وعد يابه نريد نحسن الوضع بالعراق ويبادرون بأعمالهم الخبيثه الي يردون يسوهه.
اني بس اريد اكللكم لازم نكون واعين على هيج سوالف وفتن مو نبقه مثل الألات بدون عقل نفكر بي وكل سالفه تجينه نصدك بيهه ونسويهه بدون حساب.
(بالنسبه للمصادر انا لم اكتب هذا الموضوع كخبر سياسي انما تحليل ولا يحتاج الى مصادر بالرغم من اني ذكرت اسماء الصحف )
رد مع اقتباس
