ها يولفي أشبيك جنك رفرفت
ها يولفي أشبيك جنك رفرفت
وأسمع الجنحين صفگن من بعد
مثل صفگت طير ومغادر بلد
يالجنت وياي ما تخلف وعد
هسه ليش اوياي ما عندك رحم
وشنهي بيه الضال ما طاح ورگد
عاركيت اليل صفنه وما نمت
وأنت بيك أثار من نوم الرغد
ها يولفي أشبيك شني الغيرك
وخله فكرك مشتهي ورايد بعد
يالشمال هواك ما هب الشرگ
شرجي هسه هواك غيم ورتعد
ها نويت اتروح جنك يا ولف
عادي الله أوياك بس گلبي أنمرد
وبالجسد كانون چن حيل اشتعل
بخته الدمعات جسمي وما برد
وكظته الجفنين دمعي وما وكف
گطع ارموش الجفون وهالجفل
ما بگن دمعات بيه ووشلن
وأنت دمعك سيح مايه ومانزل
ما لبست اهدوم هم عندك علم
أنا جرحي جروح بيه وما حمل
يالخذيت الروح ما تأخذ جرح
ما تعيش عثوك من غير النخل
وأنت هسه اوياي ما ناگل جدم
أنگل تابوت لو جدمك رحل
م
رد مع اقتباس
المشاركة الأصلية كتبت بواسطة فقار الكرخي
