هنا

[@تاجر الاحزان@]

آخر كاس
چذّبت روحي وصدگتك أنته
من گلتلي: يمكن تخضّر بگايا الروح ياس
وعلى هالچذبه...
شربت وياك آخر كاس!
مدري!
ناطرتك..
مثل ما تنطّر الورده نداها
وانت موگطرة نده وبس
أنت نهر الروح، تسگي الروح وتخفف ظماها
ناطرتك..
مثل ما تنطر الگاع المطر
روحي صبخه وانته غيمة شوگ
تتباهى بنسايمها وهواها
أنته من ياكون اجيت
يامجرّة مضيع سنيني بسماها
انت عفت الناس كلها وتلوهتني
منين اجيب سنين لشواگك،
وانا عمري تعداها وجزاها
انت... جمرة شوگ بيدي
مدري اذبها.. مدري اچوي سنيني بيها
مدري اخلي العمر يتباهى بضواها
يانبي موديك گلي؟
تگطع صيامي وانا الحالف قسم
مابدّل الجنة بسواها

مماا لامس الوجدان

[ملاك الاحساس]

ياعذب الكلمات
لتواجدك هنا لون من الجمال
يجعل السطور ترتدي حلة الابداع

[علي الشمري]

عاشت ايدك
احساس رائع وترف
أنته من ياكون اجيت
يامجرّة مضيع سنيني بسماها
انت عفت الناس كلها وتلوهتني
منين اجيب سنين لشواگك،
وانا عمري تعداها وجزاها
انت... جمرة شوگ بيدي
مدري اذبها.. مدري اچوي سنيني بيها
مدري اخلي العمر يتباهى بضواها

[@تاجر الاحزان@]

ياعذب الكلمات
لتواجدك هنا لون من الجمال
يجعل السطور ترتدي حلة الابداع

اسعدني هذا التواجدالجميل
شكرا لروعة الرد اختي الغاليه

[@تاجر الاحزان@]

عاشت ايدك
احساس رائع وترف
أنته من ياكون اجيت
يامجرّة مضيع سنيني بسماها
انت عفت الناس كلها وتلوهتني
منين اجيب سنين لشواگك،
وانا عمري تعداها وجزاها
انت... جمرة شوگ بيدي
مدري اذبها.. مدري اچوي سنيني بيها
مدري اخلي العمر يتباهى بضواها

حبيبي الغالي
علي
يسعدني مرورك اخي الغالي