عزيز واغلى من روحي وطنة
اموت بريحة ترابة وطينة
واسمع ونة بجروحي و طنة
لو فارگت ارضي العراقية
لتظن نار كلبي وياك تبرد
وبعد كل الحجيته وياك تبرد
اشوكت ماجيك بالسجين تبرد
دهاك اذبحني هو اشظال بيه
القلب مارف على غيرك ولامال
اعجزت من كثرت وعودك والامال
ابد لا بشر يونسني ولامال
الونيس انته حبيبي وهاي هيه
توهة العين طابتلة وقرتلة
وروحي اعترفت بحبة وقرتلة
ناس بلا بخت راحت وقرتلة
صار يخاف مني ويشك بية
اسمع زين اكلك وانتبه لك
شنو الجابرني اسمعك وانتبهلك
شخابصني بعمامك انت باهلك
هلي نبراس ومضوي علية
وحك من انزل الصورة ورمها
انا علتي بالكلب زايد ورمها
اودها من وهي تحبي وراامها
بحضن امها وتدير العين الية
صيري حبيبة الي وصيرلج /اب
ونجمد بس اشوفج واحنة بوسط/اب
تزكيني مر العشك وازكيج انة سفن/اب
دوخة يلعشك وكلك اذية
عليل وكون اطيبن يوم وابره
ومن ذنب الجنيته ارتاح وابره
عشرتي وياك عشرة ثوب وابره
يبززني واكول يروف بيه
رد مع اقتباس
المشاركة الأصلية كتبت بواسطة Hakan Hakan
