هنا

[ملك العشاق]

كلشي بهل دنيا إبثمن .......... وكلمن اله إستحقاقة

والورد ما إظن ورد ...... لو ما تفوح اوراقه

والناس مــا تهوى الندى ........... ولا دمعته الرقراقه

لو ما الندى أيحب الورد ....... وينث عليها إشواقه

ومثل النده ومثل الورد ...... ومثل النهار وي الشمس

روضة محبتنه تضل ...... وتصير للوادم درس

ميهمنة من يحجي بحقد ....... ميهمنة من يحجي بهمس

هذي محبتنه جبل ....... واليوم ارسخ من إمس

من إوصف محبتنه صدكَـ ....... وإصفن وادور عالجلم

إيحير ما يكتب حرف ....... ويموت بين اديه القلم

الله يبارك بالوفه ........ الله يديم ايامه

ويهمني كل عاشكَـ صدكَـ ...... من يوصل إحلامــه

وشما فات من هذه العمر .... يبقى الأمل كَدامه

والصادق ويحب بأمل ........ ميهمه كلمن لامــــه

والصوره صوره ملونة ........... والجامــــه تبقى الجامـــــه

[وردة لولو]

صدك روووووووووعة
تستاهل احلى تقييم
ومشكور