مشكوله ذمة الهوى..من ما يمر عالزلف ..ويحمل ارياحه
ومشكوله ذمة الفرج من ما يمر بالصبر ..ويجيب مفتاحه
ومشكوله ذمة الفلح..لن ما تداري الورد
ومشكوله ذمة الرشن ..عطش سواجي السعد
عمي الخواطر علج...ياذيهه لوج اوبرد
ما اريد نوم البطر. متخاوي ويه السهر..دوشه وخلك صايود
وعيوني غيم ومطر..وبتوت كلبي وتر ...شمه ويلاعب عود
تنداف ويه صفنتي ..لمن تهل دمعتي ..ودموعي تنزل سود
ومروة العشاك ..جف يرسم بالكاع
للغربه ازتك وطن.. يامن وطنهم ضاع
دشتلني شجرة صبر,. ايطك ثمرهه بساع
كومة ورق وكَطوف .وشكد بجيت حروف..وغنيت اه او ويل
دمع الشمع من يكت.. بهدوبه حيل ويعت. شو ما يخلص الليل؟؟؟
للسجه يركض حمد ....ياهو اليمر ومحد..ماكو اكهوه ولا ريل
رد مع اقتباس
المشاركة الأصلية كتبت بواسطة abas satar
