هيج حظنة جاهل لملگاك احن
شايف ملاگه الرحي بوكت الحصاد
هيج حظنة جاهل لملگاك احن
مثل مذلول وچفوفه مگطعات
ايخاف حته بطيف يوگعله بحظن
برية الغرگان گمت احظن هواك
وانه باخر لحضه رايح للدفن
من تميل الدنيه يم جدمك تطيح
وعلى رموشك گام يتلولح وطن
شانق الدمعه على حبال الصليب
وبيك طيف الصله قربه اعلى الجفن
شوفتك ماي الله بالبرزخ تصير
وبيها رجعت شاب بحلام المسن
من شفت وجهك ثبتلي الكل عبيد
وگمت من مگفاك انه استوحي الحزن ..م
رد مع اقتباس