هنا

[إدريس]

لمن لا يعرف الاسقاط النجمي تجدون روابط في نهاية قصتي مع الاسقاط النجمي

2014 /11/11
في الساعه 12 ليلا بعد منتصف الليل وبعد دخولي ليوم جديد
بعد الصلاة ونومي وانا في كامل وضوئي
وجدت نفسي ما اكدر اتحرك
احاول واحاول وما اكدر ضنيت نفسي بحلم
غمضت عيوني واحاول اصحى لكن لا شيء يحصل
بدأت اجاهد نفسي
وبعد مرور وقت
بدأت اشوف عيني فوقي
لان روحي نزلت تحت من جسدي
يعني ادخل عيني واقترب منها وارجع
روحي نزلت تحت جسدي بدأت تتجه نحو الاسفل ..
صوت بدأ يعلى
وكل لحظه الصوت يكون اعلى اني مهتميت كل الي اهتميتله
اني اباوع بجسدي وخاصه عيوني لان شفت عيني بوضوح تام وبصوره مقربه
لكن ضليت ما اكدر اتحرك
الصوت بدأ يزيد اكثر
وحسيت اذني راح تنفجر
صوت مخيف جدا تمتمه او كلام او ما شابه ذلك
اصوات طرق واصوات نحيب وبكاء وضحك
الصراحه خفت هواي
اغمضت عيوني وبديت ادعو ربي
ان اصحو من حلمي
تذكرت اني درست الاسقاط النجمي
وان الصلاة تزيد من الروحانيه والوضوء يعمل على جعل التشاكرا (التشاكرا هي كرات توجد في وسط الجسم تختص بلطاقه)
تفتح او ما شابه ذلك
وتذكرت ايضا انني كنت اتنفس بشكل مشابه للتنفس الذي يزيد من الروحانيه
وكنت اتنفس هكذا من اجل التجويد فأنا كنت اريد ان يكون صوتي اجمل في التجويد
عند قراءة القرأن
اي ان
الصلاة تشبه :اليوغا
الوضوء :يعمل على اعادة الجسم لحالته المطمأنه
قراءة القرأن :تزيد من الروحانيه


تذكرت كل هذه الاشياء

لكن الصوت بدأ يزعجني هواي
يعني راسي بدا يوجعني
ونبضات قلبي حسيتهن يتسارعن وشفتهن همين
وشفت هواي اشياء غريبه يعني من اباوع اكدر بنظري اخترق الحائط واشوف
بس المشكله مكدرت اتحرك
من مكاني
ضليت وضليت احاول لكن ماكو شيء وحتى بدأت بحاله الخوف الهستيري من الاصوات
واهنا اجت المصيبه
اجاني طيف بلون اسود
او ظل ما اعرف شنو
المهم جسده تقريبا مثلنا بس هوه اسوود هواي ورأسه يتحرك بشكل غريب وسريع
ذكرني بأحد افلام الرعب ههه
المهم وهو بدأ يقترب مني بشكل خاطف بدأت اصرخ داخلي واكول
رحمتك ربي يا رب اصحوا يا رب
واغمضت عيني واني اقرأ صورة قل هو الله احد والمعوذات وفتحت عيوني ولكيت نفسي اكدر اتحرك

اي اني صحيت .. بس ما احجيلكم عن تسارع بنبضات قلبي وخوف
واني كنت بردان لكيت نفسي اصب عرق هههه
ما نمت الا بعد مرور ساعه وشربت 2 بطل ماء هههه

---

مواضيع تخص الاسقاط النجمي
الإسقاط النجمي: ظاهرة غريبة بين الحقيقة و السراب
الإسقاط النجمي
ماهو الإسقاط النجمى
معلومات عن خروج الروح من الجسد
تمارين كيفية القيام بالاسقاط النجمي O_o

[*فراشة السلام *]

شلون تجربة حلوه
ربي يعينك صديقي :\
شكرا لك

[إدريس]

شلون تجربة حلوه
ربي يعينك صديقي :\
شكرا لك

ههههه اكيد تجربه حلوه واذا تعلمت اسوي اسقاط نجمي بشكل مضبوط انطيني عنوانج ازورج واخذج وياي ههههه
شكرا على مرورج

[الريم]

قصة غريبة ومخيفة عااا
شكرا لك

[إدريس]

قصة غريبة ومخيفة عااا
شكرا لك

وما غريب الا الشيطان
هههه نورتي الموضوع شكرا على مرورج

[*فراشة السلام *]

ههههه اكيد تجربه حلوه واذا تعلمت اسوي اسقاط نجمي بشكل مضبوط انطيني عنوانج ازورج واخذج وياي ههههه
شكرا على مرورج

عاااا يصير عود خخخخ

[إدريس]

عاااا يصير عود خخخخ

اي يصير بس لازم انتي هم تعرفين اسقاط نجمي -_- وحتى بل اسقاط نكدر نرجع لاحداث من الماضي يعني روحنا تروح للاحداث
بس تحتاج طاقه عاليه من الجسم
يعني اتخيلي نفسج بمعركة عين جالوت ههههه
او بمعركة الخندق
او ويه هتلر ههههه
والله من صدك

[أبن ذي قار]

خويه ادريس اريدك بشغيله
لان انا هم مار بهيج شغله واشووف مثل الاطياف تخطف بعيوني

[كليوبترا]

خوفتني شنو هاي صدك ؟!!!

[كليوبترا]

خويه ادريس اريدك بشغيله
لان انا هم مار بهيج شغله واشووف مثل الاطياف تخطف بعيوني

ياساتر يارب يمكن بس ادريس وأبن ذي قار عدهم هيجي شي !!!