أنه طبعي جرف يجرح ابصدري الروج
جم سيل الاصدّه أو ماخنت كاعي
ولا ساومت مره أو كلت هاك أو جيب
وانطيت الكرامه الخاطر أطماعي
ولا مره أنحدرت أبعاليات الريح
وي الرّوج أبد ماحدّر أشراعي
حالف بالنبي حرباء أبد ماصير
كل فترة زمن تتلون أطباعي
ولاشيل الورود الطايحه أعله الكاع
اختار أجمل ورد واكطعها بذراعي
ولاصاحب صديق اليحجي ثلث أشكال
أبنادم بالاسم بس طبعه شيطاني
غريج أبنص بحر واتهدّلتله اهدال
شلته أعله المتن بس خوش جازاني
شلته أبين أدي بس وصل حد الرّاك
كال الزود ألي اوجابني ذرعاني
موذنبي اذا ماترضى عني الناس
وي كلمن حجه مابوّق الساني
جانه أمنين أجيب اليفتهمني أبساع
يرد ضحكة أشفافي أويمسح أحزاني
صاحبت الرمل حسبالي يبقى أوياي
أول نسمه هبّت وحدي خلاني
أوحبّيت الكمر ثاري الكمر جذاب
ثلث أوجوه عنده أو بيها غشّاني
(بقلمي)
رد مع اقتباس
المشاركة الأصلية كتبت بواسطة abas satar
