وينج يالبديج الراي
وينج يالبديج الراي
خلصني البعد بهداي
مشط وعظامه كلها اتراب وانه بروحي گذلة ماي
دنيه اخلافج اتمر يوم عايشها اعلى سدة باب
دونج روحي سكته وليل سالوفه بحلگ سرداب
شارب راحتي الوهواس
أخلص طولي بالحسبات وذب اعيوني باخر كاس
اجيتج والخلگ مجروح
خل شباجج ايسولف علي بهداي
ويفشل ضلام الروح
وينه النوم
وينه النوم وانه مفيض امتوني
ومامش جفن لصعبات يعگد خيبة اعيوني
وينج ياكحل خدران
وينج يانهر نعسان
يالبطولج امجلب غيم وانه بعتبتج عطشان
يفلانه
أدورج وين يفلانه
أندلج ابوجه الگاع شفتج گمره خجلانه
وجهج مايحب غايه
لأن كله ضمير وماي غافي بعين المرايه
(منقول )
رد مع اقتباس
