السلام عليكم
عضاء زور / درر العراق الاعزاء
اليوم عدنه سياره جديده وصفها كلش صعب
هذه السياره تم الكشف عنها في عدت معارض دوليه في عام 2013 منها معرض دبي الدولي
هذه السياره نزلت للبيع في الاسواق العالميه ب ربيع 2014
اما في الشرق الاوصط 23 يوليو 2014
هذه السياره اكثر من رائعه طبعه احنه اتعودنه نشوف هيج سيارات من بي ام وهاي السياره تاخذ هواي تقنيات من السياره الي قبلها x3
بالنسبه للشكل اصحاب المعارض في ذي قار و البصره يشبهونها بال x6 خصوصا من ناحيت الكوبري فلاين
بالنسبه الى حجم السياره
هي سياره كرست اوفر معقدت الحجم (لا هيه زغيره و لا هيه جبيره )
السياره تشبه اختها الازغر x3 بميزت المحرك الرباعي ( فور ويل )
هذه السياره تبدو اقرب للارض اكثر من ال بي ام دبليو x3 وهذا يعطيها شكل سياره رياضيه
و عدنه علامت ال اكس درايف
هاي الصوره الوحيده الكدرت احصل عليها من صاحب المعرض
الاكس درايف ادل على نضام الدفع الرباعي العالمي الشهير من بي ام
اما ال 35 ادل على فئت السياره
و ال اي تدل علو محرك البنزين واذا كانت دي تدل عى محركات الديزل
الشكل الخلفي بصوره عامه يشبه ال x6
واكو ميزه حلوه بجميع سيارات بي ام الحديثه . هي من تجي و بيدك اغراض تخلي رجلك جوه الصندوق راح ينفتح تلقائين تخلي الاغراض وتخلي رجلك مره ثانيه راح ينسد الصندوق
واكو بعد ميزه هي الاوتو اج هاي الميزه في حال التوقف لفتراق قصير ماكو داعي تضغط ع البريك هيه راح توكف تلقائيا و و من يريد السائق يتحرك يضغط على دواست الوقود راح تتحرك السياره تلقائيا
و اكو زر التشغيل A OFF. السياره مزوده بنضام الايكو عند التوقف لفتره قصيره راح يفصل المحرك بس المكيف و الاضواء تبقه مشتغله . هذه الميزه لتوفير الوقود
واكو بالسياره وضع السبورت بلاس هذا وضع الحلبات يمنع السياره من الانزلاق
¤¤¤ ¤¤¤ ¤¤¤
هذه السياره تتسارع من 0 الى 100 ب 6 ثواني فاصل 4 اجزاء
*** *** ***
هذه السياره تتوفر بمحركات عديده و منها 4،6،8 سلندر طبعا اصحاب المعارض في ذي قار و بغداد ما سالو عله هاي المعلومات لان نوع 4،6 سلندر عند عزم و اندفاع قوي
*** *** ***
هاي كل المعلومات الي كدرت احصل عليها
ارجو ان يعجبكم الموضوع
رد مع اقتباس
المشاركة الأصلية كتبت بواسطة Archi
