قانون الترافه
قانون الترافه
لكلشي تفسيرونهايه
اليرسم جروحه بصفنته
لوحته صارت امانه
معلكه بركبة هواء
واليسولف وي روحه
هذا مو مجنون عاقل
يكدر لااي شخص يحجي
بس يمنعه الكبرياء
الينزل دمعه باحضان الحديقه
وي الورد يبني علاقه
وراح تعرف كل فراشه
كلبه بيه شكد نقاء
اليغتصب عش الحمامه
يدفع لكل طير ديه
ويرد يبنيه على ايده
حته يعرف بالمقابل
اشكثر واجه عناء
الاخذ من الشجره بلبل
حرم غابه من المؤذن
وغيراوقات الصلاه
وحسب قانون الترافه
هذا اكبر اعتداء
اليبني حلمه بارض غيره
حته ظحاكته تجاوز
الغايه ماتبرر وسيله
ومن يظن يستمر فرحه
هذا نوع من الغباء
الشال قربان على ايده
طير ينزف من وريده
يرجع الذكرى الحزينه
لكلب ادم
وتنزل عيون السماء
العدد موشرط قوه
شفت جيش لشخص واكف
وشفت جف
وشفت كصه
وشفت جربه
ترست الدنيا مواقف
والعرش مايعني هيبه
شفت ميت عده غيره
وعينه ماتيهت اخته
رغم فوك الرمح راسه
ووااحد على الكرسي يحكم
وبالشرف عده انتكاسه
ومدري ليش
كام ياموضوع اكتبه
تتجه لازم لوحته
وتتربط ابكربلاء
عادل العيساوي
رد مع اقتباس
