اذا بعدك جرح خليني مجروح
واذا كربك جمر مااريده يجويني
واذا هجرك الم خليني مالوم
علمني الالم هو اليسليني
واذا انت السفينه التنقذ الغركان
غركان اعترف بس مو انت تنجيني
واذا انت الفرح وهلالك العيد
مااريد الفرح كل ساعه يسبيني
واذا انت الكمر وتضوي بالليل
مااريد الكمر بالظلمه يهديني
واذا انت الشمس من تطلع بتموز
عندي النخل وبفيه يحميني
واذا طولك نخل مايهزه الريح
اوكع النخل لو طكت براكيني
واذا عينك وهم يغري كل انسان
يوسف صرت كلشي مايغريني
واذا انت الارض والامل والجاه
من عدهن ابد مااريد تنطيني
واذا حسبالك كبل متغيريت
مااكلك بعد ياعيني ياعيني
ولا اريدك بعد وبخاطري تهون
بسبب حبك ضاعت احله سنيني
او مااذكر اسمك بعد يفلان
انكطع حبل الوصل بينك وبيني
حك الموت بس ياخذ الزينين
موت المايلفك ليش يلفيني
رد مع اقتباس
عاشت الايادي 
