_لاموسراب وراح ماي انا صافي
اشربني لو عطشان شرب العوافي
_مرات طبع الماي ما يروي عطشان
يم النهر مشتول بس هوة ذبلان
_ذبلان ليش تكول مو هذا غصنك
أخضر حلو شفاف عاجبني حسنك
_أخضر ولو ذبلان كوة علية
ما أزعل العصفور لويمر علية
_أحسبني لو عصفور بس كون أزورك
أرتاح لحظة وياك وافهم شعورك
_أرتاحي بس بعيد مو على اغصاني
أخافن ترى تجويج شجرة أحزاني
_جا وين أحط تريد وأرتاح كلي
متعوبة الجنحين مابية أعلي
_أشتعب الجنحين غير المسافة
أمرج خلص تجوال لا يا حسافة
_تجوال أدور عليك ياغصن عمري
ما ردت غير أغصان لية وانت تدري
_أدريج ماتردين بس ما وفيتي
من شح علي الماي طرتي وعليتي
_سامحني أنت بهاي وأفهم ظروفي
خفت أني ما كو ماي وأذاني خوفي
_ماسامح أني بهاي وأنسى شعوري
لا بد يجيني الماي وطيبة جذوري
رد مع اقتباس
شكراا لك
