ما تفرق بعد تهجر،
تظل ، تروح ..
وجودك ، لا وجودك صار شي واحد
شطبتك من حياتي
وانتهى الموضوع ..
لتظن بالگلب حبك يظل خالد
أعرف مو سهل نسيان حب اسنين ..
لچن أنساك فد سنتين بالزايد
طلگت العشگ ،
والشوگ الاگشر مات ..
وبعد لا روح تبچي وگلب اليعاند
رجعت المن بعد
من بعد ما خليت ..
خنجر بالظهر مسموم يا جاحد
متعمد چنت والنية تصرخ بيك ..
لا تنكر أبد وتگلي ما قاصد
مو واحد ،
عليك اشهود عندي اهواي ..
الگلب
وإيدك
وعيني
وخنجرك شاهد
دمعك ما يذلني
الچان من يطيح ..
اطيحن مثل والد للولد فاگد
أرجع للخذاك
وراح زايد بيك ..
ومن رخصك
ولا واحد بقه يزايد
أبد ماسامحك
عالغدر يا غدار ..
لو تگضيلي عمرك راكع وساجد
الجميل اسماعيل الرسام
رد مع اقتباس
المشاركة الأصلية كتبت بواسطة وردة لولو
