السلام عليكم اعضاء الدرر الاعزاء
لجميع محبي السيارات الرياضيه
قمت بزيارت احد معارض السيارات في ذي قار بحثا عن سياره رياضيه
و بعام 2015 تنزل سياره فورد موستنج بس راح تتاخر اله توصل للعراق وطبعا راح تتخل عن طريق الخلج يعني وارد
السياره الان تحت الاختبار
لجيل السادس فورد موستنج الجديده بالكامل
هذا السياره خضعت للفحص لمدت 7 اشهر بالكامل و بمختلف الاماكن و الضروف
السياره حسب المعلومات الوصلتني تتوفر بنوعين
4 سلندر
8 سلندر
طبعا اختلاف جدا بصيط بين السيارتين
الاختلاف بنسخت 8 سلندر هوه فتحات على غطاء المحرك ويكون بيها جناح خلفي
السياره تتوفر ب 3 فئات
الفئه الاساسيه 6 سلندر طبعا حسب رئي اصحاب المعارض هذي الفئه عليها سحب هواي لان ما تصرف
سعر هذه الفئه 130.000 درهم اماراتي
الفئه الثانيه 4 سلندر سعرها 175.000 درهم اماراتي
وفئت الجي تي 8 سلندر 190.000 درهم اماراتي
طبعا هاي الاسعار راح تتغير من وكيل الى اخر
وحسب المعلومات الوصلتني
تم اختبار السياره في المدينه و الخارج و في الاجواء البارده و الحاره وفي الرطوبه العاليه
السياره فئت 8 سلندر / 435 حصان / 542 نيوتن متر عزم المكينه سرعه من 0 الى 100 بي 4 ثواني ونص
السياره فئت 4 سلندر / 310 حصان / 407 نيوتن عزم المكينه/ من 0 الى 100 بي 5 ثواني و ست اجزاء
طبعا الكير 6 سرعات . اوتماتيك
سيارت ال 4 سلندر اخف من سيارت ال 8 ب 93 هاي المعلومه تفيد الشباب لان يعرفون كل كيلو ينحسب بالسيارات الرياضيه
الميزه الوحيده العجبتني ب نسخت ال 4 سلندر هوه التوازن و طبعا الدفع خلفي يعني نسخت ال 8 مو اي شخص يصيطر عليها بالسباقات او الطرق الخارجيه لان هيه تسما سيارت عضلات و تحتاج خبره لان عزمها قوي جداا واندفاعها لا يوصف
هاي كل المعلومات الحصلته عن السياره
واعتذر عن الصور ما حصلت لان السياره جديده
رد مع اقتباس
المشاركة الأصلية كتبت بواسطة محمد الساري
