هنا

[علي الشمري]

زينب انه اليوم جابوني ابيسر
وعالهزل محموله ومتيهه الامر
................................
زينب انه اليوم جابوني سبي
واحنه معروفين من آل النبي
ذاك جدي المصطفى الگلبه ابي
من يحاجيك اشتقدمله عذر
................................
زينب انه اليوم وبحيره طحت
بَعد خدري وبالدلال انه چنت
بويه وينك ياعلي انه صحت
انظر الاولاد محزوزه النحر
...............................
زينب انه العفت اخوتي موذره
والاجسام اعله التراب امطشره
اطفال تركض والحرم متحيره
والنار تلهب والخيم كله جمر
................................
زينب انه وبويه اسمع ونتي
ابفگد اخوتي اليوم زادت علتي
مو دمع دم اتساچب عبرتي
انعمت عيني ومابگه بيهه نظر
......................................
زينب انه اليوم اخذوني ليزيد
والدرب يابوبه شو كلش بعيد
بالبچي والنوح يابوبه شيفيد
انه زينب وانكتب ليه الصبر

علي الشمري
٢٠١٤/١١/٨

[Heaven]

ابدعت واجدت بوصف الموقف المفجع
احسنت والموفقيه ان شاء الله

[ميمي]

عاشت ايدك احسنت

[ضياء الصافي]

أحسنت وبارك الله بقلمك لخدمة آل البيت
ودى واحترامي

[زين العابدين الشمري]

أجاد ابن العم تحياتي وجزاك الله خيرا

[علي الشمري]

ابدعت واجدت بوصف الموقف المفجع
احسنت والموفقيه ان شاء الله

شكرا اختي العزيزه

[علي الشمري]

عاشت ايدك احسنت

شكرااااااا

[علي الشمري]

أحسنت وبارك الله بقلمك لخدمة آل البيت
ودى واحترامي

احسن الله اليك مولاي
شكراااا

[علي الشمري]

أجاد ابن العم تحياتي وجزاك الله خيرا

اشكرك ابن عمي تسلم ورده

[M N S Y]

اه يا زينب
لقد احسنت واجدت ياصديقي
عظم الله اجرك وجعل هذا العمل
في ميزان حسناتك .. تحياتي