رساله....للبطل علي رشم؟؟؟
رساله....للبطل علي رشم؟؟؟
الكلب عاشور يمه وعرسك العيد
بست جفوفك وبالحنه حنيت
قاطك بيدي ليش البست تابوت
بعد مابيه احزن والله مليت
جلد عيني انشلع كد البجي عليك
وعليك بكل مسيه روح صبيت
انه بس لغرفتك جنت ادك باب
مامتعوده ادك على التوابيت
لشهر العسل بيت بكلبي محجوز
مو بالنجف يمه حاجزه البيت
ردت بيدي ازفك مو اشيعك
انه بتابوت فرحه العرس تانيت
بعروس الموت زفيتك ييمه
بنص ياكبر شهر العسل كظيت
ماادفنك ييمه بوسط شياب
ازغر ميت انته الكبر طبيت
كبرت وكمت وسط المكبره تنام
على غير ايدي ابد ماتغفه ظنيت
دعيت الله وردت جنه التهنيك
والله انطاك جنه صوجي انه ادعيت
ممخلص دراسه وعمره خلصان
الشهاده بموت اخذه بدون مقريت
هل بليل شعري شمس فركاك
واسود ثوب عرسك لابس البيت
كبرك يمه كعبه وشعري حجاج
على كبرك ييمه شكثر حجيت
لغرفه عرسك اني جايبه شموع
وعلى كبرك شموع العرس حطيت
محمد حاكم الطائي
رد مع اقتباس
عاشت الايادي 
