هذا العراق الحلو ماغيرة حبينة
الليل ذاك الحلو الي جنن ببغداد
اصبح يضيك الخلك وايامة ماتنراد
والماي ذاك العذب ماعاد نفس الماي
روجاتة يبجن دمع واحزان بيهة هواي
الصار بينة وجرة ما يخطرعلى البال...
وموكل دمع ينبجي ولا كل حجي ينكال
بسبب وبلا سبب نتكاتل علة المال
ونسينة عدنة وطن وجروح بيه اشكال
هذا العراق الحلو ماغيرة حبينة
وبغداد بيت الاهل البي تربينة
شاف العراق الحلو من الهموم اشكال
ويامة انجرح هل الوطن بس ما بجت عينة
ونصحونة ياما بشر نرحل لغير بلاد
ماعفنة هذا البلد ونحبة ظلينة
انة خايف يضيع البلد مابين هذا وذاك
وشيعوض النة الوطن لا مال لا املاك
نحتاج مال الدول اموال تهدينة
بس لو طلبنة وطن يا هو الينطينة؟؟
رد مع اقتباس
المشاركة الأصلية كتبت بواسطة وعد الأمير
