بسم الله الرحمن الرحيم
أضع بين أيديكم قصائد إصدار الملا باسم الكربلائي الجديد
[مات الماء ] - 1436 هـ
ملاحظات بسيطة قبل البدأ بوضع القصائد:
1- أعتذر عن أي خطأ إملائي أو لغوي في كلمات القصائد فما أقدمه لكم مجرد إجتهاد شخصي.
2- الكلمات الإنجليزية لقصيدة Written Wounds / الجراح المكتوبة ناقصة بسبب عدم وضوحها.
المصدر عشاق باسميات
أيتامي - للشاعر إيهاب المالكي
3>
عيني . . عيني على أيتامي ، أيدي . . أيدي على اسهامي
انقطعت انفاسي . . لكن بقى أحساسي
أنظر لأهل بيتي وأشوف أحبابي ، وشلون ذبلهم مرار غيابي
بين النعل والدم نعت لمصابي ، وابين الأيتام الـ تون ابابي
صح غمضت روحي . . بس صاحية جروحي
باقي .. يمهم نحر دامي
الموت بالطف اختلف موضوعه ، اصوات نيران العطش مسموعه
ذاك طفل يبجي دمع بيه لوعه ، يا اسهامي طلعن ارد انشف ادموعه
لجن اجت زينب . . يمه بقلب يلهب
نادت .. انا إلكم أيامي
طفلة تحت روج الحوافر راحت ، صفت تراجي مو دمع من راحت
مدت ايديها للهوا وما لاحت ، الشمس أثرت ف المدار وطاحت
كل دمعة تبجيها . . انا انذبح بيها
صارت .. واحد من آلالامي
بالطف رخص للموت كل الغالي ، يشهد مهد عبدالله ذاك الخالي
اتنافسوا ع الموت حتى اطفالي ، واحد يقل للثاني أنا التالي
مذبوح شافوني . . وبلهفة حضنوني
وأنا .. شوقي نهر ضامي
الهوا مرني وبالخيم وصيته ، قتله لأن بيهن ورد ضميته
قلي المخيم يحترق خليته ، وانا اعتذر مولاي ما طفيته
حتى الهوا العالي . . هم خيب آمالي
وينه .. يفزع على اخيامي
الفصول الأربعة - للشاعر السيد عبدالخالق المحنه
3>
شفت الفصول الأربعة . . يجتمعن بجسمك سوى
نار ومطر ، ماي وظما ، وبشفافيك صفنه هوا
فصل الخريف السلبك عاري وخصومك ناقمة
فصل الربيع بمنحرك ينزف ينابيع الدما
لكن شتاك بلا برد ينزل دماك من السما
صيفك تميز بس لهب وشفافك إلذبلت ظما
بعيونك انشاف العطش . . جسمك على الرمضه انفرش
ليش انت ما شالك نعش واطشرت مثل الضوا ؟
ذابل مثل غصن الورد للغيمة شابح ناظره
راسك يحوم على الجسد والجف يدور خنصره
ليلك ولا شاف الندى نار النهار موجرة
من يمتلي جرحك رمل تنزل سما وتصعد ثرى
جم فارس بجسمك عثر . . كل حافر يخلي أثر
نايم لجن شفتك سهر وي زينب تساهر سوا
المثلك بصدره ذهب وانت على صدرك دم طفل
بيك السيوف اتزاحمت ومزاحم اسهام ونبل
وجروحك الما تنحسب واحد على واحد عدل
وتلاقن ونزفن سوى بس كل جرح ينزف شكل
وجهك مثل شمس برمح . . من كل جهة يشرق صبح
يا حسين اشوفنك جرح بس دمعة الحبك دوا
يالذابح الماي بعطش كل شي يروح وما رحت
من صابك مثلث سهم صاح السهم يالما صحت
كل السما وش ما حوت يتمنى يوقع من طحت
ياللي نمت بس بجسد حاكم على الناس اصبحت
يا مصحف الحب بسملك . . بالطف حبيبك أنزلك
وحي المصايب رتلك موت حياة القل هو
أربع فصول بكل سنة وبساعة بيك اتجمعن
يالمنذبح كعبة اصبحت وبجمرة العاشر سعن
يالراشف رياقك نبيذ واشجم نبي بيك انطعن
وعيونك الما غمضن ويا الجسم يتوادعن
دمك مثل سيل انهدر . . يطفح نهر ينسد نهر
وبصدرك مبين حفر تروي ولا قلبك روى
قصة نور - للشاعر علي البحراني
3>
قصة نور ست شهور وبعاشور نرويها ، أصعب يوم والمظلوم شاف إدموم نفديها
إذا سال وجرى دمي . . يصير أصغر شهيد إسمي
ي عبدالله اشوفك طير شارد منكسر غصنه ، إذا شلتك على أيدي كأني شايل الجنة
تعال إلصدر أبوك وقول ليش العبرة والونة ، بعدما ظل اعز منك يغالي شنهو تتمنى
قرآنك الآلام . . أربع صور وأيتام ، سورة شمع .. سورة دمع سورة عطش وإسهام
ما ونيت وأتمنيت لو ضحيت للعترة ، يا مذبوح فدوة الروح دمي يروح للسدرة
ألون بالدما رسمي . . يصير أصغر شهيد إسمي
الشهادة بجيدك أكتبها نبوة والسهم يقرا ، وأصد لعيونك أتأمل اشاهد فاطمة الزهره
أنا بنحري وسحق صدري أواسي اللطمة والعصرة ، وأريد بدورك تواسي محسنها العلى الغبرة
دمك جسر ينساب .. للمحسن المنصاب ، خلف الخيم موضع ألم مو جنه خلف الباب
بيني وبين قوس البين محسن وين بسماره ، يا الله سهم الآه أتلقاه بآثاره
أضيف بالنحر سهمي . . يصير أصغر شهيد إسمي
يالماي الورد ينهل مناهل خدك الحاني ، العطش لا تذكره واجعل فوق لسانك الساني
حسافة تروح يا اوليدي ورده بذمة الجاني ، بعد عباس لو تسلم تصير الكافل الثاني
يالعازم إعلى الموت هذا المهد تابوت ، أمر السما تجري الدما من منحرك ياقوت
ظلم عداي عفت الماي افدي دماي والمنحر ، وعدي وياك ما انساك جدي اهناك ع الكوثر
ولا اشرب قبل عمي . . يصير أصغر شهيد إسمي
إذا سهم الخصم صابك أبد لا تقطع اخشوعك ، قبل ما تعرج بدمك خل معراجك دموعك
سامحني ي عبدالله من تتهشم اضلوعك ، واذا يطفى وهج عمرك ترى ما تنطفي اشموعك
ما دامت المأساة دمك يجف هيهات ، وانت تظل شمعة أمل يا قاضي الحاجات
تبجي العين لمصابين آه يا حسين ومصابه ، عندي شهود للموعود حين يعود لأحبابه
أنا ونحري ودمع أمي . . يصير أصغر شهيد إسمي
مات الماء - للشاعر الدكتور أحمد العلياوي
عاشوراء . . مات الماء . . والأشلاء . . في عيني
صوت في سمعي نادى للأحباب والأعداء
عيني لا تنظري ، للشيب الأحمرِ
للكف الأطهرِ ، مبتور الخنصرِ
ماذا سأفعل ؟ في العين مقتل . . يقرأ في الجفون
عماي أفضل ، عنها سأرحل . . عن هذه العيون
يا عيني أبصري ، للرمل المظمرِ
عن خد الأكبرِ ، والبدر الأسمرِ
الليل شارب ، دم الكواكب . . والريح في عويل
عيني تراقب ، دمعي يعاتب . . هل ينهض الكفيل
آهٍ جاء الصدى ، صوتٌ أبكى العدى
عطشانٌ والردى ، فيه الآن ابتدا
حسينٌ وحدي ، لا ماء عندي . . يا ذابل الشفاه
لطمت خدي ، والله جدي . . يموت في سماه
في سمعي ما اختفى ، صوتٌ ممن جفى
عباسٌ هل غفى ، قلّي أين الوفى
عباس تقبل ، ما قلت أكفل . . يا أخضر اللواء
والله أزعل ، إن كنت ترحل . . آهٍ على الإخاء
صوتي عني رحل ، عند الضامي وصل
يحكي فيه الوجل ، كلمني ما العمل
طفلٌ رضيعٌ ، كف قطيعٌ . . والنار في الخيام
أمٌ تضيع ، صوتٌ رفيع . . يا والدي تنام ؟
أكبر جرح - للشاعر الميرزا عادل أشكناني
3>
يا أكبر جرح إمن جروحي . . يا روحي إلطلعت من روحي
أنا وأنت بموتك متنا يا ذباحي ويا مذبوحي ، ضميتك بسمة لأيامي والقيتك بس دمعة لنوحي
يا بدر إلما تمم ليلة ظلمة بلا وجهك دنياي
يا مشيب راس امك ليلى ومذوب عيني من بجاي
ما صدق خلصت أنفاسك قوم من القاع أرفع راسك
وأتوسد يا وليدي بحجري . . يا قلبي الواقع من صدري
بين ضلوعي جانك تدري ، ليش بحر المصرع غافي
الله يسامح مهرك يا ابني ضيع دربه وكل شي ضاع
نازع روحي وميت ذبني لمن ذبك فوق القاع
طول الطف جسمك متوزع اهنا منحر واهناك اصبع
يالجسمك حاير خلاني . . ارفع نصه يطيح الثاني
قوم أرجع يا ابني إلصيواني ، واسند ايدك فوق اجتافي
عطشان وقلبك يتفطر جن القرآن يحاجينك
إنا اعطيناك الكوثر والهادي بجفه يرويك
يا نسخة أحمد بالصورة يا ضلوع الزهره المكسورة
إشرب يابني وبرد جبدك . . إشرب لا ترجع جف جدك
إشرب وانا أشرب من بعدك ، كاس الموت يروي اشفافي
يا زينب - للشاعر ناظم الحاشي
3>
اليوم وفيت الكفالة ودينها وشهد يا زينب عليها إحسينها
إنتي شاهد ع الجرى بيوم الطفوف ، إشلون جثتي اتوزعت بين السيوف
شفتي فوق المشرعة شلون الجفوف ، بغير راية وع الثرى امقطعينها
شفت يمي الماي عطشان وجفيت ما شربته ورحت بالدم ارتويت
ومن ذكرت اسكينه يا زينب بجيت يا هو يمسح بعدي دمعة عينها
اليوم وفيت الكفالة ودينها وشهد يا زينب عليها إحسينها
يا زينب
ع الفرات اتلاقت بصدري السهام ، نفسي هانت من تذكرت الإمام
روحي يمج ظلت ويم الخيام ، بلا جفوف وجربتي أمبدينها
فوق راسي بيوم ما طاح العمود صاح يا عباس رد ثار اليهود
لجن ما نساني وياج العهود وعيني تنزف بالسهم تدرينها
يا زينب
والله ما همني الذبح ي اخت الشهيد ، ما خفت من سيف من حز الوريد
همني بس اسمعت مسبية ليزيد ، صاح إخت عباس هالسابينها ؟
يا اختي كون المثلج بدم تنكفل مو أسيرة تروح مشدودة بحبل
ولا بدرب الشام تصعد ع الهزل وبخرابه بلا غطا امخلينها
يا زينب
من تطيح ادموعج تطيح السما ، فوق راسي وتشتعل نار الظما
خاف لو شافتج تزعل فاطمة ، شلون زينب يمك أمبجينها
الرؤيا - للشاعر مصطفى الصائغ
قد رأيت السما . . ضرجت بالدماء
فيها نجمًا صرعا ، والبدر يجري أدمعا
جفني صبح جسر المناحة بدرب العتاب ، ذابل تغص بيه المدامع والهوا الهاب
بلوعة يصد بناياباته لجبهة الباب ، ساهر ابد ما تمره غفره تسد الاهداب
شاخصًا للذرا . . فانطوى كي يرى
طيفًا إليه قد سعى ، والبدر يجري أدمعا
عيني غفت وأشعر عليها المدمع يحوم ، روحي بعوالم طيفي سارت تجمع هموم
لنها على عيون الثريا تشاهد دموم ، صورة قمر محنية يمه قلوب النجوم
أنجمٌ زاكية . . ترتجف باكية
والشمس تحني أضلعا ، والبدر يجري أدمعا
أصفن وأغضنًا جفني وامسح موج الاعبار ، لني أشاهد وادي من دم يلتهب نار
أنحب والم بجفوف ايديا اوصال الاقمار ، أرجع اشوفن ذكرياتي بحد الأشفار
كوكبًا كوكبًا . . مزقته الضبا
والكون حزنًا قد نعى ، والبدر يجري أدمعا
أمشي وأشمن ريحة ايدي بذيج الأبدان ، واذكر بنيني عودتها تخلي نيشان
أشهق واجر حسرة على حسرة دمعي غدران ، واقعد اوسد جثة جثة بين الأحضان
مركبي قد رسى . . عند بحر الأسى
للحزن أضحى مرتعا ، والبدر يجري أدمعا
بنوحي ألملم نايباتي بوادي الجراح ، وانظر ربيبات القداسة ابين الرماح
تعثر شبه عثرة حمامة مكسرة جناح ، تنهض تدور ع التركها بلوعته وراح
يلتظي قلبها . . يحترق ثوبها
والماء عند المشرعة ، والبدر يجري أدمعا
الجراح المكتوبة - للشاعر وسام الشويلي
إنت لروحي أحتاجك أنفاس ، آيات الحب وأقراك بإحساس
أنا بدونك لا دنيا ولا دين ، بيك أتذوق طعم الحب ي حسين
منك أرسل نغمة لكل الناس ، أيات الحب وأقراك بإحساس
وياك أحجي ي حسين بلا صوت ، آية عشقك ما يقراها الموت
أسأل غيري يعشق غيرك ليش ، شنهي الدنيا لو ما إنت تعيش
روح الحبك ترفض أي تابوت ، آية عشقك ما يقراها الموت
الإنسانية تحتاجك كل يوم ، والما يفهم تضحيتك محروم
دمك يجري يحفظ دم الناس ، راسك يرفض واحد يقطع راس
ضد الظالم نهجك يا مظلوم ، والما يفهم تضحيتك محروم
طفلك ظامي بس مو قصة ماي ، مثل الوردة بأحضانك مولاي
إليذبح وردة ما يزرع بس شوك ، لولا اعدائك بالنبلة تلقوك
دم عبدالله بيه آيات أهواي ، مثل الوردة بأحضانك مولاي
دم المنحر بيه أجمل تعبير ، جان الخنصر يرسم حب الغير
تجري دموعك حتى إعلى الذبحوك ، يا بوالرحمة هنيال الحبوك
بهاي الرقة يحتار التفسير ، جان الخنصر يرسم حب الغير
داسو صدرك بلكي الحق يضيع ، صوت ضلوعك ظل يقرا التشريع
قطعوا راسك حتى الرحمة تموت ، لكن زينب ظلت هيا الصوت
شالت جسمك وبآخر توديع ، صوت ضلوعك ظل يقرا التشريع
أوقف يمك وأنظر لك حيران ، شلون إلمثلك يتسمى العطشان
إنت الكوثر يشرب منك ماي ، جرحك بلسم داوى جراح إهواي
لإنسانيتك عطشان الإنسان ، شلون إلمثلك يتسمى العطشان
الكاتب حبيب موسى
رد مع اقتباس
.gif)
