ياعلي وينك يحامي دخيله==دارت علينه زلمه وخبله= سيد كاظم الشرع
ياعلي وينك يحامي دخيله=دارت علينه زلمه وخيله
زينب تنادي وتصيح= بويه هذا بنك ذبيح
يا علي وينك يحــامي دخيله
=====
مثل يوم الباب صـارت كربله=ياعلي والحـرم أضحت معـوله
تنادي يا كرار ياعقــد الوله=حركـوا خيمنه خـوّله وحـرمله
حسين محزوز النحر=والكفيل على النهر
نفس ذيج الكوم هاي ذيـوله=ياعلي و ينك يحامي دخـيله
====
نفس بسـمارالزجيه والضلع=صاب أبوالسجاد ولنحره كطع
يسّرونه ومالنه واحـد فـزع=ياعلي ريتك تعاين هل وضــــع
زلام مروان اللعين=داسوا الصدر الحسين
تطلب أبدر وأوحد وحنينه=ياعلي و ينك يحامي دخيـله
=====
هل صدرجان ع صدرالمصطفي=جان مخزن للعلم والمعرفه
وافــته ألأمه ويابـئس ألـوفه=ذبحته حقاد السقيفـه السالفه
أهل كوفه المجرمين=ما رعوا ذمة حسين
رضوا ضلوعه بحوافر خيله=ياعلي وينك يحامي دخيله
===========
وليتامه تصيح ياعقـد الوله=ياعلي ريتك تجـــينه الكربـلـه
ياعلي وتعاين على العـايله=حين راس حسين عل رمح عتله
ناحت أملاك ألسمه=ولأرض متألمة
غاب قرص الشمس وظـلم ليله=ياعلي و ينك يحامي دخيله
======
ياعلي تمنيت حاضر يافحل=يــاعـلي وتـعـا ين الحال الطفـل
صوبه حرمله بسـهام ونبل=حين حس بدمه من نحره يسيل
زيّد صراخ وأنيـن=عاين بوجه الحُسين
تصورالدم ماي يروي غليله=ياعلي وينك يحامي دخيـله
=============
اعلي وتشوف لكبرمن فزع=ياعلي صاعقه وطاحت عل جمع
لا جـن المحتوم ياحيـدر وكع=ياعلـي وكليب الحسيـن نفجع
نزل للحومه العميد=عاين ألأكــبرشهيد
من الحزن ماكدرجثـته يِشيله=ياعلي و ينك يحامي دخيله
==============
ياعلي وتشوف عريس الطفوف=نزل للميدان ماهاب الألوف
صارمن دم منحره خضاب الجفوف=بدال لملبس عله راسه السيوف
راح عاني ألزفته=دم وريده حنته
حوفته نبال وسيوف كليـله=ياعلي و ينك يحامي دخيله
============
ريتك بكربله يا راعي الشيم=تعاين العباس حين الي هجـم
عن طريقه تمايلت ذيج الزلم=ترس جوده وحدرالصوب الخيم
للأسف راعي العلم=صوبه بعينه السهم
يا علي والحرم غاب أكفـيله=ياعلي و ينك يحامي أدخــيله
===================
وهذا ســــــجـــــــادك يحيدر=بـيده قـــــــــــــيد وجامعه
على الشريعه ألكـــــــمر نايم=والجفـوف مكــــــــــطعه
بويه من طاح العلم=بطيحته ضاعة قيم
والحرم عكبه زجر يحديله=ياعلي وينك يحامي دخيله
سيد كاظم الشرع
رد مع اقتباس
