أطلقتهـــــــــــــا اللاء ياسيْد الشباب
أطلقتهــــــــــــا وماخفت ذيـﭻ العده
وانت مــن دون الخلـﮒ الله اجتباك
شافه أهـــــــــــــلاً للشهاده أو أيده
والرسايل ويــــــن من ذيـﭻ الرجال
ولقدومـــــــــــــــك حيل لحّت ناشده
بايعــــــــــــــوك إبغدر يبن الأكرمين
ونـــــــدري بالكوفه إلغدرها إمعوده
زفتــــــــه ابدمعه الحرم واللطم صار
مـــــــــــــــن طلب سيفه ونوه يتقلده
فتح عينه وشاف مرصوصه الصفوف
ارمــــــــــاح وسيوف ورجال إمعدده
بـــــــرز ريحانة رسول الله الحسين
بعثــــــــــّر أوصال الجموع الحاشده
ﮔــــــــــــــال بسم الله خذيني يارماح
وياسيوف إﮔطع نحــــــــرها الأورده
بـﭽـه كرسي العرش من شاف الدماء
أطلق الصرخه اودوت لأخــــر مده
والفرس عد راسه ظل يصهل يجول
من وﮔـع خيالـــــــــه واحتل ساعده
غار وخيول العده صاحـــــــت عليه
وين يالميمون خيــــــــــــــــالك غده
صوب زينب ركض وأخبرها الجره
والظليمه السان حالـــــــــــه ايردده
سيدي ياسيدي يبـــــــــــــــن البتول
هي طوعـــــــــــــــــاً تعتنيك الأفئده
من تضيج اصدورنه الصوبك تروح
ركعتـــــــــــــي فرض الزياره اتبدده
خل يزيد ايـﮔــــــول خارج عالحسين
طلع عن طوع الخلافــــــــه الراشده
لـﭽن وحده إلصعبه اظن كلش عليه
هو ابن حيدر وزهره الوالـــــــــــده
سيدي ياسيدي بيك الرجـــــــــــــــه
إصفوف يمــك سيدي اتظل ساجـــده
بقلمي.
رد مع اقتباس
